Page 33 - HOH

ORANJESTAD (AAN): CIBC First Caribbean e aña aki ta bay organiza un ‘Full Moon
Walk’ riba 12 di October, cu ta bay ta di Baby Beach pa e Anker cora y bek pa Baby
Beach.

Durante un conferencia di prensa Diaranzon atardi, Jamie Bareño di CIBC a splica cu tur
placa cu e evento genera ta bay pa Stichting BOB Aruba, cu ta Bevolkingsonderzoek
Borstkanker(cancer di pecho).

E caminata ta bay ta di 7’or di anochi pa 10’or di anochi.

“Bunita di esaki ta cu e ta bay ta na San Nicolas, pues algo hopi unico”.

“Normalmente nos ta hasi tur cos pabao, pero e aña aki nos a dicidi cu nos ta bay
pariba”, segun Bareño.

Durante e conferencia di prensa Diantha Nuesch di Stichting BOB a splica cu e ta hopi

contento cu e fundacion por haya e fondonan di e evento aki, pasobra e placa ta
sumamente importante pa nan por sigui mantene e bon servicio cu nan ta brinda.

“Ta importante entre otro pa mantene e aparatura sofistica tambe y pa nos hasi mas

concientizacion pa nos hendenan muher di Aruba”.

“Nos ta invita boso tur pa join e caminata aki riba dia 12 di October y sa cu bo ta cana
pa un bon causa”.

Esaki segun e representante di BOB, kende a splica cu e fundacion actualmente ta
mandando carta di invitacion pa hendenan muher di entre 45 y 75 aña, pa nan hasi un
screening di pecho.

“E ta un proyecto unda cu cada dos aña e hendenan muher ta haya un carta di
invitacion”, segun Nuesch, kende a indica cu esnan cu no a haya un carta mester tuma
contacto cu Stichting BOB, pa bo sigui haya bo invitacion cada dos aña pa bay controla.

https://www.diario.aw/2019/09/fondonan-recauda-pa-full-moon-walk-di-cibc-first-caribbean-ta-bay-
pa-stichting-bob/