Page 5 - ARUBA BANK

AWEMainta Diamars, 25 April 2017 5

Segun Parlamentario mr. Juan E. Thijsen (MEP):

Mike Eman ta bay laga

Aruba financieramente

bou curatela pero tambe

hudicialmente bou curatela

PARLAMENTARIO mr. Juan E. Thijsen ta suma-
mente preocupa cu e resultadonan di mal gobernacion
di parti di Mike Eman y su gabinete y su consecuencia
pa autonomia di Aruba.

Manera conoci ya caba, Aruba a perdi su autonomia
financiero y awor ta na caminda pa perde su autono-
mia hudicial. Mike Eman a firma diferente protocol
cu Hulanda y a mara su mes na man cu pia cu meta
pa bin haya un prestamo cu interes mas abou cu
ayudo di Hulanda.

E siman cu a pasa, Aruba por a tende di boca di Min-
ister di Finanza cu Hulanda un bes mas ta nenga pa
duna Aruba su aporte den esaki.
Di otro banda, Hulanda si a logra impone e ley di
LAFT manera e tabata exigi cu introducion di un
CAFT na Aruba. Sin haya placa of exonaracion di
debe, Mike Eman a entrega autonomia di Aruba.

Di otro banda, Parlamentario Thijsen a tuma nota cu
Mike Eman ta hibando un caminda malo cu ta rumbo
un curatela hudicial.
No ta un secreto cu Hulanda tin bista riba esey
mirando desaroyonan na Corsou y Sint Maarten.
Aruba recien a ser confronta cu acusacionan grave di
Ministro di Husticia Dowers den direccion di su ex
colega Otmar Oduber.

E acusacionnan aki ta encera e. o. actonan penal,
mal uzo di poder, mal uzo di fondonan publico y cu
Otmar Oduber ta facilita y stimula e uso di droga y
alcohol como tambe embarazo hubenil.

Den e caso aki por constata cu Mike Eman a scoge
e caminda di politica di avestruz esta di neglisha cu
e problema ta existi. E otro caso ta esun di Paulgate
na unda un Ministro activo ainda tambe ta ser acusa
di delitonan serio.

Aki tambe, segun Parlamentario Thijsen, por constata
cu Mike Eman ta scoge pa un actitud pasivo. Pio
ainda ta manda e Minister involvi keda cas cu pago.

E Parlamentario ta preocupa cu na final di cuenta ora
Mike Eman bandona gobernacion na fin di aña AVP
ta bay laga Aruba financieramente y hudicialmente
bow curatela. Parlamentario Thijsen pidi pueblo pa
keda alerta y sigur tuma accion dia 22 di september
venidero manda AVP cas y tambe tene su yiu chikito
afo, pasobra nan ta mes culpable. Aruba merece miho!