Page 36 - ATA

Un compania tin 100 porciento di accion. Na 2016 Nicolas Maduro a duna Rusia 49.9
porciento como borg y a financia debenan di Venezuela cu 50.1 porciento den Citgo
como borg.

Mientras Gobierno di Aruba no a mira motibo pa stop negociacion cu Citgo y a dicidi di
firma un contracto cu Nicolas Maduro, Crystallex a dicidi cu e kier placa y a hiba su caso
Hues pa evita cu e ta keda sin haya placa pa e debe cu Venezuela tin cu su persona.

Crystallex a gana su caso na 2018 y a haya parti di Citgo cu el a cuminsa bende a pesar
di tur borg. Juan Guaidó a pidi Hues un oportunidad pa e trata na yega na un solucion
pa e paga Crystallex pero no a logra y awor Hues a bisa cu e compania Canades por
bende su parti den Citgo.

E situacion actual ta, cu of Rusia ta entrega su parti of e financiadonan di placa na
Nicolas Maduro ta keda sin nan parti. Hues no a tene cuenta cu nan consideracion.

Nan ta silencioso mientras e consehero di Juan Guaidó ayera a anuncia cu Crystallex lo
mester pidi gobierno Mericano permiso special pa bende Citgo of parti di Citgo.

Pa colmo e siman aki e grupo di Juan Guaidó lo a firma un refinanciamento, cu no a

chens di cristalisa ainda. E grupo di financiadonan 2020, cu a kere cu e siman aki grupo
Guaidó lo a finalisa e benta, a keda na mita caminda aparentemente.

Grupo Maduro a cuminsa ataca Guaidó y Merca.

Regimen Maduro a dicidi pa medio di Saab pa cuminsa un caso contra Hernandez di
Guaidó pasobra el a duna Crystallex informacion riba e relacion berdadero entre Citgo y
Maduro. Hernandez ta mustra cu Saab no tin nada di bisa.

Citgo cu ta den agonia total na e momentonan aki ta un ring di boxeo Venezolano
mientras autoridad rond mundo ta trata di gara personanan acusa di a uza Citgo pa
laba placa, pasa droga y ladronicia.

DIARIO lo sigui informa Aruba, cu no a haci loke Cyrstallex a haci y a permiti Maduro
hipoteca e compania cu nan kier a atrae pa Aruba.