Page 53 - ATA

ORANJESTAD (AAN): Prome Ministro Evelyn Wever-Croes ta worde invita pa hopi pais

pa reunionnan, pa negocia como tambe pa conferencianan necesario pa bienestar y bon
marcha di maneho den gobernacion.

Tur biahe cu Premier Wever-Croes ta haci, ta necesario den su trabao. Sinembargo no

ta tur invitacion Premier Wever-Croes ta acepta. Esakinan ta mas tanto e invitacionnan
pa reunionnan cu por worde haci via tecnologia moderno cu Premier, esta conferencia
di video, na unda no ta rekeri presencia fisico di e mandatario principal di nos pais.

“Esnan cu conoce mi sa cu mi no ta gusta biaha pa trabao y bay laga mi famia y mi cas.
Mi ta haci’e solamente ora ta realmente necesario. Y asina mes, mi ta biaha e minimo
cantidad di dia cu solamente echt tin mester. E ta hopi mas cansancio pero mi ta menos
tempo leu di mi famia y di mi cas”, Premier Wever-Croes a enfatisa.

Premier Wever-Croes ta enfatisa cu semper e ta biaha cu delegacion mas chikito
posibel. E no ta biaha cu fotografo na biahenan leu ni largo. Si a hiba su fotografo
Curaçao un biaha y Sint Maarten un biaha y ambos biaha tabata biahenan di trabao

cortico di un y dos dia y menos costoso. E bon relacion cu Gobierno di Gabinete Wever-
Croes ta crea den exterior, ta duna e posibilidad di uza fotografonan y prensa di e pais
cu ta bishita.