Page 58 - ATA

E relacion directo entre Citgo y e regimen Maduro y comunismo, a wordo desmenti dor
di gobierno di Mike Eman, kende a topa cu Nicolas Maduro na Cuba y hasta a saca un
potret cu a bira sumamente controversial na Aruba cu Nicolas Maduro na Cuba.

Mike Eman y Mike de Mezas semper a bagatelisa e informacionnan riba e relacion di
Citgo cu sistema comunista y hasta criminal, cu nan tabata sa cu tabata mara na Citgo.

Awe DIARIO ta duna prueba di e motibo cu el a mustra cu e proyecto Citgo tabata parti

di e intento pa mobilisa comunismo den region di Caribe. DIARIO ta presenta na publico
di Aruba e rapport di PDVSA cu su planificacion di 2016 pa 2026 cu ta papia di e
mobilisacion di PDVSA den e region y e forma cu PDVSA ta wordo uza pa gara poder
den Caribe.

Reproduccion di informacion den e rapport oficial di PDVSA, ta confirma e
informacionnan di DIARIO, cu PDVSA y tur su sucursalnan y companianan manera
Citgo, tabata instrumento pa mobilisacion di comunismo den region.

E rapport ta mustra con e industria petrolero di Venezuela ta bira e “motor”, palabra cu
ta wordo textualmente uza den e rapport di PDVSA cu ta indica con entre 2016 y 2026
e maneho di PDVSA tabata directamente liga na expansion comunista.

For di momento cu Chavez a haya mando, cambionan a wordo introduci den PDVSA, cu
a abusa di e derecho di trahadonan. Miles y miles di trahado den industria petrolero
mester a bay traha den exterior debi na e forma cu Chavismo tabata persigui nan ora a

logra militarisa PDVSA, cu a bira un nucleo militar cu lasonan directo na criminalidad,
cu awe na tur pais ta wordo investiga.

Un etapa nobo den e relacion Aruba y Nicolas Maduro a cuminsa cu e decision di

gobierno actual di Wever-Croes pa deshaci di e contracto cu segun gobierno Mike Eman
a wordo cera cu e “bon Citgo”.

Awe DIARIO ta entrega e prueba cu Aruba mester a bira trampolin di e “mal Citgo”

militar y criminal di Nicolas Maduro y cu Aruba a scapa di un situacion pio di loke e
conoce actualmente.