Page 17 - ATA
P. 17
Diadomingo awor na San Nicolas: proyecto “Containers den
Bario” di ATA y Serlimar ta continua
Tuesday, 06 December 2016 16:26
Comparti
E popular projecto di Containers den Bario, organisa pa Aruba Tourism Authority y Serlimar, ta sigui
diadomingo awor, 11 december na San Nicolas! E sitio exacto lo ta e tereno dilanti ex Lucky Store. E
horario lo ta di 8’or di mainta pa 2’or di atardi.
Pa e temporada di Fin di Anja como tambe e temporada di jobida, ATA y Serlimar lo ta den e districtonan
mas grandi di Aruba, ofreciendo tur cas den nos comunidad e oportunidad di prepara y haci limpiesa pa
fin di aña. Probecha y no warda te ultimo ora pa cuminsa cu e limpiesa mas grandi di aña! Alaves proteha
bo hogar y elimina tur objetonan bieu of kibra cu por retene awa y bira criadero pa dengue, zika of
chikunguya. Milieustraat Cu e generoso sosten di ATA, dicho projecto lo wordo ehecuta dor di Serlimar
den e concepto di un “milieustraat” of “caya di medio ambiente”. En breve, e “Caya di Medio Ambiente”
ta ensera e deposito di grofvuil den containers specialmente pa e publico general. Grofvuil ta ensera e
siguiente desperdicio di cas: desperdicio di cas general y artefactonan grandi manera wasmachine,
meubles bieu y como tambe desperdicio di hardin (mata, yerba, troncon etc.). Lo ta bai tin supervisors
presente na tur momento, specialmente pa dirigi y asistibo den esaki y nos ta conta cu e cooperacion di
un y tur. Duna Aruba e miho di bo! ATA sigur ta un instancia cu ta promove lo miho di nos isla y esaki
definitivamente ta inclui pa duna Aruba e miho di bo y yuda mantene nos isla limpi!
Cu e pensamento aki den mente, ATA ta sigui sostene Serlimar y e noble projecto Milieustraat pa asina
ofrece Aruba un manera facil, gratis y responsabel pa deshaci di desperdicio di cas grandi (grofvuil) pa
fin di aña. Dor di duna prome na comunidad y pone containers disponibel, lo motiva tur habitante pa
(man)tene rond di nan cas limpi y asina contribui pa mantene e bario mes limpi. Pa mas informacion,
comunica libremente na 5245080 of busca nos riba facebook.
