Page 13 - AM190622
P. 13
Diasabra, 22 juni 2019 AWEMainta 13
EPI su alumnonan a haci un recorrido na ANA
RECIENTEMENTE Archivo Nacional Aruba a
ricibi un grupo grandi di alumno cu ta asisti EPI
Hospitality & Tourism Sector. Como parti di nan
“Cultural Awareness Week” cu ta forma parti
di e Leadership Program di EPI, nan a haci
un peticion na Archivo Nacional Aruba pa un
excursion.
Durante nan bishita na ANA nan a haya un bista
amplio di e tarea y trabounan di e departamento.
Asina nan a haya Director di ANA, drs. Raymond
R. Hernandez pa duna un splicacion general
di archivo y e importancia di e departamento
pa informacion y particularmente e herencia
cultural cu tin den e archivonan warda.
Despues nan a haya un splicacion di e parti di
Genealogia (stamboom) y rondleiding den e
depositorionan di ANA, dor di sr. Edric Croes,
kende ta hefe di e afdeling Archief Beheer &
Behoud.
Un parti importante tambe di e bishita tabata
den e afdeling di Restauracion di papel, na
unda colega sr. Mirto Tromp a duna un amplio
splicacion y demonstracion den e arte di
restaura papel/documentonan fragil p’asina
preserva nan pa den futuro.
ANA kier a gradici sra. Willer-Heronimo di
Museo Historico, p’e coordinacion y tambe
n’e staf y almunonan di EPI pa scoge ANA un
aña mas como localidad pa forma parti di e e
Cultural Awareness Week.
