Page 53 - JUS DEC 23

Andrew Hoo ta relata accion di polis riba beach cu a tuma
luga fin di siman cu a pasa

Thursday, 22 December 2016 20:44
Comparti

Por a tuma un accion basta pisa riba beach. Nos a combersa cu Andrew Hoo, kende ta
inspector y hefe di polis na warda di Noord, kende ta conta cu e motibo di e accion aki,
unda a bay.
El a splica cu esaki ta andando pa basta tempo y ta e problema entre e dos
watersportnan cu ta keda entre Hilton y Riu Palace. Hopi biaha Strandpolitie ta bay
eynan pa intermedia den e problemanan aki entre e dos watersports operatorsnan aki.
A yega asina leu cu tabata tin paar di biaha cu algun di e trahadonan a cay cera den
pasado pa maltrato y otro cosnan cu a sosode.
Diadomingo patruya di strandpolitie mester a bay y a tuma nota cu e stoel y parasolnan
cu ambos watersports tin ta dimas. Mayoria di nan tabata wordo uza como un barera
entre e dos watersportsnan aki. Ta tuma full e area di beach, cual no ta permiti. Den
nan vergunning ta para cu nan no ta suppose di ta sla op of warda e stoelnan na dicho
luga. Nan tin cu wordo poni den un deposito, cual no ta eynan. Esey no ta e caso segun
Hoo, nan ta overschreid nan vergunning. Nan a wordo adverti algun biaha pa nan kita
nan djey nan y keda cu e cantidad cu nan tin mester. Tin di nan ta 25 of te 50 stoel. A
conta e dia ey ongeveer casi 300 stoel di ambos partido. Dialuna a bay bek eynan y
aparentemente nan no a haci caso. E stoelnan tabata tey ainda. E ora a dicidi pa tuma
accion e ora pa confisca e stoelnan.
Kico ta bay pasa?
Segun Hoo, ta bezig ta check cu DIP, debi cu ta den e transicion di e beach policy nobo
cu lo bay na vigor aki pronto. Tanten cu e no ta na vigor, ta hanteer e beleid cu ta
standard awor aki, cual ta e maneho bieu y ta wak cuanto stoel tin y ta laga nan cu
algun stoel extra, pasobra nan ta bisa cu a kita hopi stoel for di nan, of tur nan stoel y ta
bezig ta menasa nan ingreso, cual no ta e caso. A laga nan cu mas cu suficiente stoel pa
nan sigui draai nan negoshi. Loke nan ta bisa no ta berdad, segun Hoo.
Tin cu remarca cu un gran parti di e stoelnan no ta sirbi pa wordo gehuur na turista of
na personanan local hasta. Nan ta den hopi mal estado, mayoria ta kibra y nan tabata
gewoon poni eynan y ta wordo uza como un muraya pa por separa nan tereno for di
otro. E stoelnan cu a wordo kita, no por wordo uza sin mas pa huur.
Beach Policy
Awor aki e beach policy ta den su fase final, cu ta den espera di DIP pa manda e
vergunningnan nobo y despues pa hunto traha y wak pa yega na un implementacion di
e policy aki. Hoo tin di compronde cu e ta den su fase final y e watersports operators ta