Page 54 - JUS DEC 23

pagando loke nan tin cu paga pa nan bin na remarca pa nan haya nan vergunning
completo awor.
E lo ta bon?
Tin manera un tipo di bruhamento ora cu polis actua. Pero e pregunta ta keda si e ta
keda un herment perfecto. Esaki, segun Hoo, lo bay yuda. E ta un cooperacion di tur e
departamentonan di gobierno. Polis su rol ta mas bien pa e parti di sosten na e
departamentonan vooral DIP cu ta duna e permisonan aki y regularmente durante
patruya wak si e watersports ta cumpli cu e rekisitonan, cual ta poni den esey. Ora di
treed op, semper tin cu comunica cu otro y informa otro kico ta wordo haci al respecto
si tin violacion di e polisanan riba e vergunningnan. Esey eigenlijk ta e rol di polis. Un
papel di sosten.
Hoo a splica cu e beach policy ta duna mas espacio pa polis traha y treed op eigenlijk.
Tin algun di e watersports operators lo mester move for di unda nan ta actualmente.
Den e caso aki, vooral e dos watersportsnan aki cu ta keda dilanti di Hilton, tin
problema hopi tempo cu nan. Si un di nan lo wordo verplaats, lo alivia e asunto aki
masha hopi mes.
Awor aki mes tur hende nan sa kico nan tin cu haci. E regla aki no ta di awo, sino for di
hopi tempo. Polis, vooral den e area di Noord, ta besef cu nan ta duna un servicio na
turistanan y polis no kier perhudica esey. Si treed op, ta e turistanan ta wordo afecta,
pasobra nan no ta haya servicio di umbrellas of beach chairs. Ta tene cuenta cu tipo di
accionnan aki y e intencion no ta pa perhudica ningun hende, pero tin regla y cada ken
mester mantene nan mes na regla. No bira haragan. Traha cu loke bo tin y loke e
permiso ta bisa, segun Hoo.