Page 35 - Djaluna 10 september 2018.pdf
P. 35
Djaluna 10 Sèptèmber 2018 35
Charla grátis:
“kanser di
pulmon”
WILLEMSTAD.-
Fundashon Pro Souax, Sentro
di Bario Souax i Sentro
Médiko Souax ta anunsiá
na habitante di barionan di
Souax, Gato i bisindario i tur
otro interesado, ku djamars
awor 11 di sèptèmber lo
tin otro interesante charla
riba salú i kuido di salú.
E luna aki, e tópiko ta:
KANSER DI PULMON.
Un i tur ta keda invitá pa bin
tende dr. Oliva splika tokante
diferente aspektonan di e
malesa di Kanser di Pulmon.
Entre otro e lo papia riba:
síntomanan i diferente tipo
di kanser di pulmon. Tambe
dr. Oliva lo amplia riba
diagnóstiko, tratamentu i
terapia den kaso di e malesa
i aspektonan di prevenshon i
faktornan di riesgo.
E charla ta tuma lugá
na Sentro di Bario Souax di
shet’or pa mitar di nuebe di
anochi i entrada ta grátis.
Durante e charla lo tin amplio
oportunidat pa hasi pregunta.
Fundashon Pro Souax ke
animá tur habitante di
bario di Souax, Zegu, Gato
i bisindario pero tambe otro
interesadonan pa asistí na
otro charla interesante riba
bo salú i kon kuida bo salú.
E charla ta 7 or anochi pa
mitar di 9 na sentro di bario
Souax. Entrada ta grátis.
