Page 30 - JUS DEC 27

Caso na Savaneta algun dia pasa no tabata ningun secuestro
pero asunto di problema di homber cu muher

Sunday, 25 December 2016 19:57
Comparti

Algun dia pasa den oranan di marduga tabata tin henter un noticia andando cu a tene man di autoridad
na San Nicolas basta ocupa.
A mobiliza basta Polis pa duna un man ora a drenta informacion cu tin un secuestro na Savaneta. For di
prome instante tabata dificil pa haya informacion. Asina mes cu Polis tabata limita na informacion, tog
nan no a laga e cos pasa voorbij. A cuminsa un investigacion di oranan di marduga te cu mainta. E prome
melding tabata di un atraco y despues un secuestro. Hasta bisiñanan a mira hende wordo forsa hinca den
auto y bandona e sitio. Mas despues ora dia a habri a topa un auito envolvi para canto di lama na
Savaneta. Ora cu Recherche na San Nicolas a cuminsa cu e investigacion mas profundo a bin saca afo cu
ningun rato tabata secuestro. Aki ta sospecho riba un hombeer cu lo ta maha cu otro muher etc. Den e
proceso parce tin dos muher envolvi cu un homber lo ta sospecha cu otro homber lo ta anda cune
clandestinamente. E cos tabata algo masha bruha pero ningun rato tabatya secuestro sino un reglamento
di cuenta pa asunto di muher. E homber cu a core bay pa evita sla coy su curpa, a perde su auto e
momento ey. Mas despues a topa e auto banda di lama. E muher supuestamente cu a wordo secuestra a
wordo haya tambe y e tabata ok. A base di tur e declaracionnan haya a bin saca afo cu e cos no tabata
ningun secuestro, ningun atraco pero asunto di mahamento di muher di otro cu a caba na partimento di
sla. A menciona cu un di esnan envolvi ta doño di un restaurant. Ta trata di un lugar di bende cuminda
banda di un Gym na Savaneta. E mesun dia e caso a keda soluciona.