Page 34 - JUS DEC 27

Jamaiquino Brenton cu firma liber ta purba bende turista y
hasta Inspector di Polis droga den area turistico

Sunday, 25 December 2016 14:18
Comparti

Polisnan tin basta problema cu un Jamaiquino cu firma liber y cu ta cana rond den nos area turistico y causa masha
problema. Kizas e ta haci mas cos ilegal pero un sigur ta bende droga. E ta acerca turistanan y insisti pa nan cumpra
cocaina y otro droga. E ta keda bo tras pa convencebo cu ta good stuff e tin. Den fin di siman el a acerca hasta un
inspector di Polis den e area di Divi.

El a ofece e inspector di Polis droga. E inspector conoce pero e si no a reconoce e Inspector. E agente mes a pasa den
e experiencia unda e Jamaiquino tabata keda insisti pa purba of cumpra su Good Stuff. E agente cu tabata bayendo
cu su famia pa un actividad priva a yega paden y yama patruya pa bin dune un man. Nan a vigila e Jamaiquino aki cu
ta conoci como Brenton. Hasta a mire ta caba banda di Pool di e hotel purbando di bende su droga na e turistanan.
Un daño enorme na nos industria turistico. Polisnan cu a yega a bay atende cune. El a sali core y Polis a bay su tras
mesora. El a drenta mondi y finalmente a logra gare. El a keda deteni. E droga cu el a saca mustra e inspector di Polis
ya caba a deshaci di dje durante su huida. Semper e ta un persona conoci di ta resisti su detencion. A logra pone na
boei despues di mande plat na tera. El a keda casi un dia sera na warda pasobra no a haya e droga cu el a ofrece riba
dje. E tipo aki ta basta peligroso pa e area y mester atende cune. Cu firma liber y ta bende droga na turista y sin traha
ta motibo pa trek in esaki y mande bek su pais Jamaica.