Page 6 - AM190424

6 AWEMainta Diaranson, 24 April 2019

Alan Howell contento cu atencion cu San Nicolas ta hayando
Reapertura di Oficina di Turismo,

restauracion di edificio, atencion pa cultura y Island Fest

ta algun di e proyectonan anuncia e luna aki

CU un tono hopi contento Parlamentario Alan Howell a informa cu

dia 25 di april lo habri e Oficina di Turismo un biaha mas na San
Nicolas.

E oficina a wordo sera pa renobacion y e por a compronde for di Min-
ister di Turismo, Dangui Oduber cu ta bay tin otro tipo di servicio,

uno mas moderno y agresivo pa loke ta trata mercadeo di San Nicolas.

Durante varios reunion publico, Alan Howell a haci peticion na Min-
ister Dangui Oduber p’e oficina aki habri bek mas rapido cu ta posi-

bel. Lo uza e oficina aki tambe pa yuda atrae mas turista den e centro
di San Nicolas.

Aki Howell a bisa cu Minister Otmar Oduber a traha for di den gober-
nacion pasa caba pa haci di San Nicolas e centro cultural di Aruba y

den luz di e idea aki ta trahando duro p’e parti aki di nos isla haya e
vibracion cultural aki.

Por mira e diferente pinturanan bunita cu tin rond, tambe por mira cu

Gobierno ta sigui haci esfuersonan pa habri museonan na San Nicolas
pa ora tanto turista como local por bishita. No por keda sin menciona

sres. Tito Bolivar y Leon Berenos kendenan t’e personanan cu ta duna
e tournan na San Nicolas, haciendo un tremendo trabou.

Tambe por a mira cu Gobierno a informa recientemente cu lo restaura
e edificio di Uncle Louis Store, locual ta un ehempel mas cu ta indica

cu e concentracion ta bayendo bek pa San Nicolas, algo cu hopi, in-
cluyendo Alan Howell mes, ta lucha tur dia pa logra.

No por a laga afo e anuncio tan spera di Minister di Turismo pa loke

t’e Island Fest cu lo inicia dia 29 di mei proximo. E Island Fest lo tin
un concepto un poco diferente na loke tabata Carubbian Festival.

E lo wordo teni na San Nicolas cada luna y lo bay tin un envergardura
hopi grandi unda cu tur hende lo keda hopi contento na momento cu

nan mira e producto cu lo wordo ofreci.
E prome Island Fest lo wordo dedica na Soul Beach, lo bay tin bende-

mento di cuminda, bebida y souvenirs manera tabatin anteriormente
y pesey Alan Howell ta haci e peticion na tur esnan cu tabata bende

nan producto antes, pa tuma contacto cu Departamento di Turismo
pa wak con nan por uni tambe y haci di e evento aki mas exitoso ai-

nda.

“Locual nos ta desea ta pa San Nicolas tin un evento exitoso y si cada
un di nos join y busca un manera pa engrandece, ta exitoso so e por

ta. Nos ta den un gran espera di con e evento aki lo ta y sigur sigur cu
e expectativa cu e ta bay ta mucho mas grandi y exitoso cu Carubbian

pa trece mas hopi turista pariba di brug”, Alan Howell a expresa.