Page 7 - AM190424

Diaranson, 24 April 2019 AWEMainta 7

Dia 25 di april Oficina di Turismo na San Nicolas lo tin su re-apertura

DURANTE conferencia di prensa di dialu-

na Minister di Turismo sr. Dangui Oduber a

anuncia cu otro siman diahuebs 25 di april
lo tin e re-apertura di e Oficina di Turismo

na San Nicolas.

E Oficina den e ultimo lunanan a wordo

renoba y transforma completamente hacien-

do uzo di hopi tecnologia y inovacion.
Esaki sigur ta un hopi bon noticia p’e pueblo

di San Nicolas.

Despues di 8 aña cu nada a wordo haci pa

San Nicolas dor di e Gobierno anterior, e
Gobierno aki si tin un plan integral pa San

Nicolas. Awor San Nicolas ta haya bek su
Oficina di Turismo cual lo fungi como e

“Visitor Center” e centro di informacion p’e

turistanan, aki e turista lo haya tur informa-
cion di tur locual San Nicolas tin pa ofrece,

segun e mandatario.

PROYECTO BABY BEACH

Si tur cos cana segun plan e proyecto di Baby

Beach lo cuminsa den e prome siman di juni
di e aña aki. E proyecto aki lo bira un proyec-

to di embeyecimento unda lo bay bin cu un
restaurant. Lo bay drecha canchanan deport-

ivo, construi un Boardwalk y facilidadnan di

parkeo.
Tambe lo bay construi un facilidad p’e per-

sona cu lo fungi como esun cu lo bay haci e
mantenimento di e facilidadnan.

Den e simannan nos dilanti si tur cos ta bon
e proyecto mester bay destaho publico pa de-

termina ken ta gana e bidding, asina e man-

datario a trece dilanti
Contrario n’e negligencia di Gobierno ante-

rior di AVP, e gabinete aki ta bay percura pa

San Nicolas conoce un desaroyo real, cual
sin duda lo trece beneficio economico pa co-

munidad di Pariba di Brug, como tambe pa
Aruba henter.