Page 47 - HOSPITAAL
P. 47
ORANJESTAD (AAN): Departamento di Salud (DVG) a
tene su conferencia di prensa semanal dialuna mainta unda nan a trece dilanti nan
tema di siman.
Jurette Croes, vocero di DVG a indica cu rond mundo y tambe na Aruba, hendenan ta
bibando mas largo. Mas grandi un persona ta biba, mas grandi e risico pa desaroya
problemanan cu nan salud of malesanan.
El a bisa cu varios aña atras World Health Organization (WHO) a introduci un concepto
cu yama “Active Aging” unda cu ta encurasha e adulto mayor pa biba mas activamente
di un manera integral pa asina por biba un bida mas saludabel y tambe independiente
durante nan añanan mas avanza.
Pa papia riba e tema aki a invita dos profesional, Tirzlyn Kolfin, kende ta traha den e
Seccion Cuido di nos grandinan di DVG y Jeffrey Matos, Director di Centro Kibrahacha.
Segun Kolfin, WHO na 1990 a bin cu e concepto di “Active Aging” cual ta focus riba e
adultonan 60+ pa ta mas activo fisica y mentalmente.
Cu esey tambe ta purba di promove mas e actividadnan social como tambe e
comemento saludabel. Mester por cuminza crea mas concientizacion pa loke ta un
biehez activo.
