Page 50 - HOSPITAAL

Pa e ocasion aki a elabora riba e tema di “active aging”. El a bisa cu Club Kibrahacha pa
e ultimo 33 añanan den comunidad a percura pa ta un centro di actividad y nan enfoke
ta pa purba di mantene e personanan 60+ activo, tanto fisicamente como mentalmente
y riba e area social.

Matos a agrega cu embehecimento ta un fenomeno cu mundialmente ta conoci y Aruba
no ta keda afo. Kiermen e rol cu e fundacion tin den e comunidad ta pa stimula e
hendenan pa keda activo.

Hendenan cu ta bira grandi, cu ta yega edad di pension y no tin un plan riba kico nan ta
bay haci despues.

Segun Matos ta importante pa planea kico un persona ta bay haci despues di baha cu
pension pa asina keda activo.

Ora ta yega edad di pension ta perde hopi hende cu hopi conocimento y hopi

experiencia den nos comunidad. Pesey Fundacion Kibrahacha kier stimula nan pa sea
keda activo riba e parti boluntario pero riba e caminda unda cu nan mes ta haci
actividadnan social den e comunidad.

Na Aruba tin diferente grupo di actividadnan pa 60+ cu e fundacion ta apoya pa sigui
stimula e hendenan grandi. Pero alavez ta mira cu tin un grupo grandi cu no ta activo y
esey ta e grupo cu kier pone focus riba dje e siguiente añanan, Matos a remarca.

Pa medio di e sondeo cu ta bay wordo haci conhuntamente cu DVG y Universidad di
Aruba kier yega na e grupo aki y motiva nan pa bira activo. Pero prome cu tur cos, kier
acerca e grupo aki prome cu nan baha cu pension pa asina concientiza nan, e director
di Centro Kibrahacha a indica.

Banda di esaki tin retonan manera e accesibilidad na lugarnan publico. Transporte ta
hopi importante pa e grupo aki keda activo den nos comunidad, a remarca.

https://www.diario.aw/2018/11/tin-un-grupo-grandi-di-60-cu-no-ta-activo-y-

cu-kier-pone-focus-riba-dje-e-siguiente-ananan/