Page 29 - awm 13MAY2017

AWEMainta Diasabra, 13 Mei 2017 29

Un grupo di ehecutivo di seguro di
John Hancock, di e division di pen-
sioen, a haci nos isla nan cas leu di
cas pa un total di 4 dia, hospedando
na Ritz Carlton Aruba, cu EPIC
como nan Compania di Maneho di
Destinacion.
Mientras cu nan tabata aki, EPIC a
invita Scol Dununman pa duna un
presentacion n’e grupo den e ball-
room di e resort, cu tur 220 miembro
di grupo presente.

Un representante di e scol a conta
e ehecutivonan di John Hancock
y nan esposanan tocante e scol pa
mucha local cu problema severo di
siña, entre 4 pa 16 aña, y tocante e
scol su esfuersonan pa educa nan den
nos propio idioma di Papiamento,
den grupo chikito, cu atencion in-
dividual.
E studiantenan, cu un nivel di in-
teligencia cu ta varia entre 50 y 60,
tin hopi necesidad, cual lo haya hopi
ayudo cu e donacion inespera, pero
sumamente aprecia.

Aki por mira e CEO di John Han-
cock, Peter Gordon, entregando e
check di donacion di $5,000 n’e
representante di e scol, como parti
di e grupo su meta di duna bek na
comunidad.

Durante e resto di e oranan di
mainta, e miembronan di grupo di
John Hancock a dedica nan tempo
na un ehercicio dinamico di “team
building”, tambe organisa pa EPIC.
Nan a wordo reta pa construi y
marca nan mesun Isla di Fantasia,
capas di flota y nabega cu cinco
hende abordo; un Isla di Fantasia
traha di palo y cabuya, un isla cu nan
por yama: “Mihor Lugar pa Bishita.”

E reto a wordo ricibi entusiastica-
mente y nos portretnan ta mustra e
proceso di construccion, decoracion
y finalmente e lansamento di e isla-
nan, un esfuerso di grupo di 17 ekipo
diligente y creativo, kendenan a siña
pa traha hunto y colabora, mientras
cu nan a traha riba e proyecto.
John Hancock pa hopi tempo caba
ta un lider den e industria di plan di
pensioen, un cu un record demostra
di inovacion, servicio excepcional,
y un nivel sin igual di experticio di
plan di pensioen.