Page 69 - MIN JUS

reglanan cu ta poni aden como regla. Tambe por a scucha e director menciona si
mañan e siguridad na waf mester bay controla un colega of un auto di Aduana e ora
algo otro lo bay sosode.
Presidente di sindicato SADA ta kere cu director di Aduana no a compronde e regla di
ASTEC den su totalidad. Den e caso aki un di e reglanan ta bahamento for di auto y e
otro ta e control. Loke cu tambe e director a menciona cu nan no ta haci control riba
Aduana esaki no ta cuadra cu realidad. E sindicato por a compronde for di su
coleganan miembro di SADA cu tur cos ta keda controla na momento cu nan yega waf ,
hasta den nan tas. Tambe loke cu e sindicato ta lamenta cu na momento cu ta pone e
ambtenaar baha for di auto y ta haci e control, pero di otro banda ta yega un van cu yen
di bishitante di waf ningun hende no ta keda baha for di bus y ningun hende no ta haci e
control debido cu mester tumando luga.

Pero na momento cu e ambtenaar ta bin haci su trabao si ta wordo baha for di auto y ta
keda controla dor di e siguridad di waf. Esaki ta un situacion inaceptabel . E trabao di
Aduana ta pa controla pa yuda cuida e grens di Aruba pa asina nada straño of di
ilegalidad pasa, pero actualmente esaki no ta sosodiendo. Segun e sindicato tin hopi
cos ta pasando na waf di barcadera y cu mester mira esaki di cerca prome cu ta laat.
For di basta tempo caba a pidi un reunion cu ex Minister Otmar Oduber y awor tambe ta
sperando un reunion cu Minister Mike de Meza , pero te dia di awe lastimamente
mester bisa cu nos yamada pa un reunion cu Minister Mike de Meza tampoco no a
wordo honra. Na porta di waf di barcadera tin hopi cosnan ta pasando , entre otro cu
kier pone un zwipe mashin na oficina di Aduana. Esaki ta pone cu e duaneronan na
momento cu nan mester drenta nan mes un oficina ta wordo maneha dor di ASTEC y
no dor di Aduana.

Esaki ta pone cu si ASTEC mañan kier nenga un entrada di un duanero drenta su
oficina pa asina ehecuta su trabao e ta wordo stroba pa drenta su oficina. Tur esakinan
ta puntonan di atencion , pero tin hopi mas punto cu e cuerpo di Aduana kier atende cu
ne pa asina bin cu solucion riba e partinan aki pa asina e situacion no tin mester di
escala. Ta un lastima cu e mandatarionan no kier sinta cu sindicato SADA pa asina
discuti riba diferente puntonan di preocupacion cu tin na porta di Waf di barcadera.
Aparentemente e cuerpo di Aduana no ta wordo scucha y ta keda neglisha tanto dor di
esnan cu ta maneha cuerpo di Aduana y tambe dor e mandatario cu tin e cartera aki.
Diabierna mainta 8or lo tin reunion y lo traha un carta cu despues lo wordo entrega na
minister Bermudez pa mustra nan punto di bista riba e situacion cu tin na waf di
barcadera. E Duaneronan lo reuni na e plenchi banda di gabinete di gobernador y djey
lo cana bay Bestuurskantoor y entrega e carta di malcontento na Minister Angel
Bermudez.