Page 70 - MIN JUS

Milton Ponson di Stichting Parkietenbos: Si January no bin
cambio nan lo sigui cu nan lucha y bay internacionalmente

cu problema di Dump

Thursday, 15 December 2016 21:42
Comparti

Milton Ponson cu ta secretario di Stichting Parkietenbos a splica cu ta importante pa informa e
habitantenan.

Ta un caminda di Cruz nan ta canando. E tin 50 aña bibando y hibando un lucha. Un cos chikito 50 aña
pasa a bira un desaster y monster cu no por tolera mas. Den añanan 1950 cu tabata tin hopi menos
compara cu 120 mil hende, por‎ mira con grandi e lugar aki a bira segun Milton Ponson. Tur material
quimico pa salud y cu ta perhudica ta bin termina riba dump. ‎Awor ta basta y cos asina no por sigui mas.
Na 2002 e comision a wordo funda. Nan a cana un caminda di Cruz y tabata papia contra muraya y nan
no tabata tin oido pa e hendenan di e barrio. Milton Ponson a splica cu despues di papia cu tur sorto di
politico nada a wordo haci. Nan a coy e caminda di dialogo pasobra eynan ta sinti cu por pone mas
presion. Augustus a entrega un manifiesto na e gobernantenan indicando cu Dump mester wordo sera
pasobra e no ta bon pa nos pueblo y nos isla. Despues di entrega manifiesto a sinta warda pa mira e
caminda cu gobierno ta cana. Henter e isla despues a wordo influencia pa mal tempo y aki henter e barrio
a sufri cu e problema di Dump segun Milton Ponson. Ora situacion di mal tempo a afectanan a manda
carta atrobe pa gobierno. Milton Ponson a splica cu a base di e dos cartanan a considera pa basta liher
haya reunion cu gobernantenan. Gobierno a informa cu nan lo soluciona e problema. Nan ta reconoce cu
e solucion no ta dos of tres dia. A pidi gobierno pa bin cu un solucion pa corto plazo. Milton Ponson a
splica cu gobierno a bisa cu entrante January e sushinan di truck di Serlimar y Ecotech lo bay otro
caminda na EcoGas. Locual a sali den prensa no ta sorprende e comision di Stichting Parkietenbos. Nan
tin hopi tempo ta bringa pa e problema. Si January no bin cambio nan lo sigui cu nan lucha y bay
internacionalmente cu esaki. Awor sindicatonan riba lomba di empleadonan ta bringa otro. E
trahadornan cu ta traha den un situacion asina deplorable riba Dump ningun hende a sera cabez pa
yudanan. Nan no ta bay pleita cu ningun grupo pero ta atendiendo cu gobierno cu ta responsabel pa
maneho di sushi. Nan ta compronde tur loke ta pasando. Mester busca un solucion. Nan kier mira
cambio caba entrante January. A tende hopi aña cu cambio ta bin pero te awe no a mira e cambio.