Page 28 - FDLP

Diadomingo e equipo sorpresa Gold Stone Dewars DT a enfrenta Eagles DT. Gold Stone
Dewars DT a bin prepara pa gana cu un score grandi, pasobra Eagles DT ta tambaleando,
sigur despues di e derota grandi siman pasa.

Pero nada menos ta berdad. Eagles DT a bin cu un meta y esey ta pa restaura nan
credibilidad den domino y aki sigur nan a logra.

Eagles DT a gana facil y por bisa relativamente grandi di Gold Stone Dewars DT cu e
score di 15 – 10. Ta despues di basta tempo Eagles DT por bisa cu nan a bay Noord bek
cu un sensacion di un victoria. Gold Stone Dewars DT mester bay re-group y concentra
p’e wega di fin di siman benidero.

Den e otro wega Trappers DT no por a stroba X-treme DT pa subi te na lugar number 2
riba e tabla di posicion. X-treme DT relativamente facil a pasa riba Trappers DT. X-treme
DT tabata bon representa y nan “Hit man” Zinho Saladin a mustra publico henter ta con
domino mester wordo hunga.

E siman aki, diabierna lo tin e siguiente wega nan na Ottley’s Place:

X-treme DT vs Gold Stone Dewars DT; Eagles DT vs Sport Boys DT.

Y diadomingo na RiverPlate: Old Parr DT vs Ottley’s Strikers DT; Noord Stars “Pizza
Hut” DT vs Trappers DT.

Sigur e confrontacion X-treme DT – Gold Stone Dewars DT ta un wega “cayente” n’e
momento aki den Campeonato Balashi. Un invitacion ta bay pa tur fanaticada pa ta
presente.