Page 8 - LOTTO 10 MARCH 2017

Federacion di esgrima lo organisa competencia combina cu
curso celebrando nos dia nacional Himno y Bandera

Thursday, 09 March 2017 17:02
Comparti

Manera tur anja, Scherm Amateur Bond Aruba. (S.A.B.A.) lo celebra nos dushi Himno y Bandera 2017. E
anja ki e celebracion lo tin un toke diferente mirando cu e dianan 12 pa 19 di maart lo trece Aruba dos
coach profesional den e deporte di esgrima unda nan lo duna curso di nivel avansa na e clubnan y nan
miembronan di SABA.

Na banda di e curso, e profesionalnan Carlos Lopes y Jose Benavides lo bin duna tambe un presentacion
pa tur esnan den e deporte Olimpico aki. Enconecxion cu a bishita aki e federacion di esgrima a dicidi di
organisa e competencia Himno y Bandera dia 16 di maart na IBISA San Nicolas pa 7 or di anochi. Esaki
mas cu claro ta un bon momento pa ambos profesional evalua e tecnica y nivel di nos atletanan di
esgrima. Tanto sr. Benavides y sr. Lopes ta funcionnan halto den deporte y desaroyo. Nan lo presenta e
programa From School to Olympic Games. Un danki sigur na Lotto, e Loteria di Aruba pa medio di
Comision di Subsidio cu a subsidia e competencia y curso den e deporte di esgrima celebrando asina nos
dia nacional Himno y Bandera. Cumprando weganan di Lotto, e Loteria di Aruba manera Catochi, Big 4,
Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.

http://www.24ora.com/index.php?option=com_content&view=article&id=119560:federacion-di-
esgrima-lo-organisa-competencia-combina-cu-curso-celebrando-nos-dia-nacional-himno-y-
bandera&catid=3:deporte&Itemid=7