Page 26 - AHATA

A3
LOCAL Diahuebs 18 Juli 2019

Comerciantenan di San Nicolas tin diferente opinion

tocante construccion di hotel

ORANJESTAD – E dianan aki, comunidad di
Aruba a tende di varios protesta y opinion di or-
ganisacionnan ambiental tocante e construccion
di hotel den area di San Nicolas, como tambe e
declaracion di e Vice Presidente di Parlamento,
Alan Howell (POR), kende a tene un reunion cu
varios miembro di San Nicolas Business Associa-
tion tocante e tema aki, y otro proyecto cu lo trece
pa un desaroyo economico na San Nicolas.

Durante varios entrevista cu Bon Dia Aruba a haci cu
distinto doño di comercio den area di Baby Beach y
Sero Colorado, a haya varios reaccion. Por ehempel, un
di nan – cu ta prefera di keda anonimo – a bisa cu e
meta principal ta pa e politiconan y doño di hotel haya
mas placa pa nan cartera y laga Baby Beach sin un beach
publico.

Di mesun manera, e persona a manifesta cu tempo di
Lago, cu tabata hopi aña pasa, e doñonan no a haci nada
riba e tereno ey pa motibo cu eynan ya tabatin cueba
caba, pero awor, ta e mesun cos, ainda nan ta existi.

Tambe a expresa cu un grupo di comerciantenan por
haci un bon desaroyo na San Nicolas. El a sigura cu un
comerciante hopi conoci tin varios edificio, pero no
kier inverti den nan pa motibo cu ‘tur cos kier construi
pabou’, sin sa cu hopi turista ta bishita e area aki pa e
trankilidad cu e beach ta ofrece.

Otro doño di un negoshi na Baby Beach, di nomber
Juan Mora, a comenta cu ‘e unico opcion di construc-
cion di hotel ta algo masha bon’, pa motibo cu lo por
trece desaroyo pa e area ey, pero gobierno tin cu percura
pa mustra otro cara di e centro di San Nicolas.
Tocante esey, Mora a señala loke ta trata e negoshinan di
prostitucion, cu no ta algo cu ta duna un bon impresion
y ambiente di famia pa e turistanan, segun su opinion.
El a sigura cu tur e negoshinan dedica pa prostitucion lo
mester re ubica na otro luga.
“A mi ta compronde cu na Hulanda esey ta algo normal,
pero tin otro ambiente, otro forma, akinan esey ta algo
absolutamente fuera di control, cu no ta ofrece un bon
ambiente pa turismo”, el a bisa.

Loke ta trata e economia di su negoshi, Mora a splica cu
e ta haci e intento di cubri e gastonan y busca manera di
trece turista cu evento di musica y deporte. Ademas, el a
referi cu si gobierno lo pretende trece mas desaroyo den
e area rond di Baby Beach, nan mester cuminsa cu e in-
frastructura, cu na varios caminda ta mustra bandona y
den oranan di anochi no tin suficiente luz ni siguridad.

Di otro banda, e doño di un restaurant via Sero Colo-
rado, kende a prefera di no publica su nomber, a expresa
cu e ta di acuerdo cu e construccion di hotel den area,
pa motibo cu ta trece mas movemento pa e negoshinan.
Asina tambe lo bay ta algo nobo pa e hendenan di San
Nicolas cu lo kier traha eynan mes.
Tambe a splica cu el a tende di hopi hende cu ta keha
cu hopi cos ta birando caro, pero di mesun manera, e
ta haya bishita di turistanan y hendenan local. “Mi a
scucha di e construccion di hotel na Sero Colorado, cu
hende ta keha pa via di daño ambiental, pero mi no ta
wak asina, esey lo bay trece placa pa nos y esey ta algo
importante”, e señora a sigura.
Tin varios opinion tocante construccion di hotel y desa-
royo nobo pa area di San Nicolas y alrededor di dje. Co-
munidad mester sa kico ta precies locual e desaroyo aki
lo ta trece cune, como tambe e dos banda di e medaya:
Cu pa algun persona por ta masha bon pa via di interes
monetario, y pa otro cu por pensa cu Aruba lo por keda
como un di e islanan cu mas desaroyo hotelero, pero sin
ningun beneficio pa su habitantenan.