Page 13 - AWEMAINTA

Diamars, 7 Augustus 2018 AWEMainta 13

Habitantenan fada cu holo di beerbut

H ABITANTENAN
di Mabon a informa
AWEMainta cu nan ta fada
cu e holo malisimo cu nan
tin cu soporta cu ta bini di
awa di beerput. Ta parce cu
e pos a pasa over pa algun
dia caba. E consecuencia
ta cu esaki ta basha over
y ta pasa of keda core
riba henter e caminda den
bisindario. Esaki ta trece
cun’e un holo malisimo cu
ta keda colga den aire.
Nan no sa kico ta e
problema cu no a busca
solucion pa esaki ainda.
Pero pa medio di esaki
nan kier manda un grito di
auxilio na e departamento
concerni.

Homber arma haya sin

arma

DIASABRA merdia Polis ta wordo manda
banda di veld di Aruba jrs pa un situacion
sospechoso.
Segun e persona cu a yama, na e veld di Aruba

jrs lo tabatin wega di softbol. E persona lo a mira
cu den e grupo di e team Venezolano tin un
persona cu un tas y den esaki e tin un arma di
candela. E persona cu a yama a bisa cu e homber
ta bisti cu petchi preto, camisa preto, carson
preto, keds geel / berde y tattoo na diferente
parti di su curpa.

Polis a papia cu e hendenan y niun por a bisa
cu siguransa cu e persona tin un arma den su
tas. A topa cu e grupo di 4 persona den un Jeep
Wrangler corra. A pidi tur e hendenan pa baha
for di auto. A listra meticulosamente den e auto
y tambe e hendenan pero no a topa cu ningun
arma di candela.

Pa 5’or di atardi tambe nan a manda patruya den
Klipstraat unda un persona ta drumi na suela.
Esaki ta banda di e ex edificio di OM. Tabata
trata aki di un choller, esta F (30), kende tabata
morto na soño riba caya. Nan a lant’e for di soño
y a core cune for di e sitio. Ora cu el a lanta para,
un piedra blanco (parecido na cocaina) a cay for

di su saco di carson. E piedra a wordo confisca y
entrega na departamento di Narcotica.