Page 38 - AM190316

38 AWEMainta Diasabra, 16 Maart 2019

Tri-atleta Giannon Eights ta triunfa den

e Guardian Group Sprint Triathlon

UN dia despues di e exitoso Kids Aquathlon na

Rodgers Beach, pa su mañan diadomingo Aruba

Triathlon Association a organisa nan di dos evento
den un solo weekend cu e Guardian Sprint Triath-

lon cu a inicia pa 7’or di mainta na Boca Catalina.
E evento di Sprint Triathlon ta wordo recori cu e in-

tensidad mas halto cu normal mirando e distancia

cortico di e tres disciplinanan esta landa, core bais
y core na pia.

Pa loke t’e participacion pa cu e careda di Sprint
Triathlon, e categorianan ta den Kids te cu 14 aña

unda nan mester landa 375 meter, core bicicleta 10

kilometer y finalisa cu 2.5 kilometer core na pia.

Den e categoria di Junior y Adulto Male, e distan-
cianan recori ta un tiki mas, aki cada atleta a landa

un total di 750 meter, core bicicleta pa 20 km y

finalisa e competencia cu un 5 km careda na pia.

Por ultimo den e categoria di Female Open 15+,
cada atleta mester a landa un total di 750 meter,

core bicicleta pa 20 km y finalisa e competencia cu

un 5 km careda na pia.

Pa loke t’e resultadonan overall di e Sprint Triath-

lon nos tin cu bisa cu e hoben atleta Giannon Eights
ta logra triunfa cu un tempo registra di 1:02:38,

mientras Romar Arends a logra un di dos lugar cu

e tempo di 1:04:27 y Mark Kleiweg na di tres lugar
den un tempo di 1:09:34.

Den femenino Ute Nestler ta logra gana e careda

den un tempo di 1:15:13, na di dos lugar a termina

Janelle Vlaun den un tempo di 1:19:17 y na di tres
lugar a sali Sandra Postma den un tempo di 1:27:28.

Stichting Sportsubsidie Aruba ta contento di por

aporta y brinda e ayudo na e federacion di Aruba

Triathlon Association cu tur luna ta organisa un
evento segun e calendario 2019 pa nan atletanan

di triathlon.