Page 42 - AM190316
P. 42
42 AWEMainta Diasabra, 16 Maart 2019
Fiesta Arubiano na Centro di Bario Noord,
18 di maart Dia di Himno y Bandera
UN biaha mas Centro di Bario Noord
ta organisa un Fiesta Arubiano pa cel-
ebra nos Dia di Himno y Bandera. Al-
abes pa di 4 biaha lo entrega Premio
Meneer Ovito Tromp na un boluntario
cu a aporta grandemente na desaroyo di
nos dushi districto di Noord.
Nos patio lo ta yena cu ambiente crioyo
pa asina un biaha mas tin actividad pa
e pueblo di Noord por celebra nos dia
nacional. E ambiente ta cuminsa for di
12’or di merdia y nos lo sigui celebra te
cu 6’or di atardi.
Nos scol di hunga Chikitin Bin Bin lo
tin su grandioso koffie morgen yena di
cosnan dushi cu ta cuminsa for di 8’or
di mainta y despues e Fiesta Arubiano
lo sigui riba patio di CBN te cu 6’or di
anochi. Lo tin tent di cuminda crioyo y
boca dushi y nos bar lo ta bon surti. Lo
tin presentacion di gruponan di baile,
caha di orgel, grupo tipico, diferente
cantante y declamacion. Pa e muchanan
lo tin dino jump y den Nos Cudi tambe
nan por hunga, zoya, wipwap y mas.
E aña aki pa di 4 biaha CBN lo entrega
Premio meneer Ovito Tromp p’asina
reconoce un persona cu boluntariamente
a ofrece su tempo pa yuda engrandece
nos bario na un of otro manera. CBN lo
haci entrega di e Premio meneer Ovito
Tromp dia 18 di maart den careda di
2’or di atardi.
Feliz Dia di Himno y Bandera y nos ta
warda pueblo en general pa bin celebra
hunto cu nos na CBN. Nos lo percura
pa e ambiente….ta keda na abo pa bin
yen di zjeito bin celebra nos dia nacio-
nal na un manera fenomenal.
