Page 32 - bon-dia-aruba-20190713

A32 LOCAL
Diasabra 13 Juli 2019

Up-Cycle Center ta un comienso pa comunidad bira mas consciente

ORANJESTAD – Up-cycle Center di Ser-
limar ta e prome centro di reciclahe na
Aruba. El a inaugura diahuebs pasa y ta
enfoca riba como proyecto comunitario
caminda por hiba diferente material pa
recicla y cu despues por reusa.

Durante un entrevista cu Bon Dia Aruba a tene
cu Anastacia (Stacey) Brete, Gerente di Opera-
cion di Up-Cycle Center, el a splica cu den e
luga nan lo bay ricibi diferente tipo di material,
por ehempel: Corant, carton, aluminio y metal,
plastic, palet di palo, mueblenan bieu pero den
bon condicion, tela, sapato, entre otro.

Brete a señala cu e materialnan aki despues lo
wordo reusa den diferente forma. Tin cinco
fundacion, Artesano Foundation, Luna Foun-
dation, Mondiero, Cosecha Aruba y Fundacion
Pa Nos Comunidad, cu ta trahando hunto cu
Up-Cycle Center como stakeholders den e
proyecto y tur e materialnan cu nan genera, e
fundacionnan aki lo bay haci uzo di dje.

Di mesun manera, el a sigura cu un funda-
cionnan manera Luna Foundation lo haci uzo
di e pallet di palo pa construi casnan pa cacho,
Artesano lo bay uza e materialnan pa despues
pinta riba nan.

Tocante un di e materialnan cu lo ricibi cu ta
tela, Brete a splica cu ora nan haya, por drecha
e mueblenan bieu y por rebende na un prijs ac-
cesibel, of duna pa e personanan mas vulnera-
bel di comunidad.

Tambe a comenta cu nan tin planea pa cada
fin di luna haci un ‘Garage Sale’ pa pone loke
nan a traha y asina e comunidad por acerca te
Up-Cycle Center y cumpra, asina nan por haya
fondonan pa e fundacionnan y pa obtene mas
material. Nan tin cu zorg cu e comunidad pa
por suministra e materialnan, cu tur hende ta
haya loke nan por.

Di otro banda, Brete tambe a comunica cu nan
ta zorg pa e luga por bira un centro di bario,
manera el a expresa: “Mi tin varios idea pero
nada a wordo poni oficial ainda”.

Ademas, loke Brete a expresa ta cu nan kier
yuda comunidad pa cambia e palabra ‘Desper-
dicio pa Material’. Ta un solucion chikito pa
elimina cierto materialnan y no bay mas riba
Landfill, pa motibo cu e ta keda acumula y ta
mal bisto, ‘p’esey nos tin cu haci algo pa elimi-
na esey’ el a sigura.

El a referi cu nan tin cierto reglanan y regula-
cionnan pa e ora ey e hende ta bin cu e mate-
rialnan, por ehempel articulo di metal, nan no
lo bay permiti hende pa hiba materialnan sushi,
ni tampoco lo bay permiti diferente bestianan
morto.

Tocante esey, Brete a afirma cu lo mester bay
stipula un procedura, cu kisas si nan haya e
clientenan cu kier pa Serlimar bay busca nan
material na cas, pa via di e procedura e hende
por sa di ki manera por entrega e materialnan
pa Serlimar.

Pa finalisa, Brete a bisa cu e hende por cuminsa
cambia nan manera di biba pa un estilo mas sos-
tenibel, na nan mesun cas cu bleki di refresco,
caha di carton of boter di plastic cu ta material
reusabel y cu den futuro lo por converti den un
articulo pa uza di otro manera.