Page 12 - MIN VOS
P. 12
AHATA na mesa cu Minister di Salud
Publico riba retonan cu sangura
APRIL 17, 2017Aruba News 480 Views
Ta cooperando caba y ta dispuesto pa colabora mas ainda
ORANJESTAD, Aruba – April 2017: Recientemente a tuma luga un reunion importante entre Minister di
Salud Publico y Deporte, Dr. Alex Schwengle, Director di Departamento di Salud Publico Aruba Drs. Jerry
Staring y Presidente di AHATA Jim Hepple, compaña pa Vanessa Rasmussen, ehecutivo di e asociacion di
hotel y turismo di nos pais. Tema di e reunion urgente aki tabata e situacion di sangura y Zika riba nos isla.
Gobierno a suministra AHATA a ultimo cifranan confirma, a repasa e esfuersonan cu ta haciendo y a gradici e
organisacion di hotel y turismo pa nan cooperacion y sosten den e esfuerso pa combati sangura y elimina
criaderonan.
E casonan di personanan cu ta bay nan dokter di cas, ta presenta sintomanan di keintura, rash, dolor di cabes,
cu por indica cu ta trata di un enfermedad transmiti pa sangura. Den e caso akinan ta e enfermedadnan cu nan
ta vigilando cu ta Dengue, Zika y Chikunguya. E casonan registra y cu ta sospechoso ta mas den e areanan di
San Nicolas, Savaneta, Santa Cruz y Pos Chikito. Y esakinan no ta casonan confirma pa laboratorio.
