Page 5 - UTITLITES

Di Acuerdo Cu Su Director Luis Oduber: WEB Ta Cla

Pa Haci Su Parti Pa Cumpli Cu Meta Di Energia

Renovabel Pa 2020

 Featured

 Local
- 30/05/2017

Esaki ta loke Director Luis Oduber a duna di conoce na momento di formaliza e acuerdo
cu Refineria di Aruba (RdA) dilanti Notario pa uzo di un tereno di nan na Lago Heights
pa construcion di Sunrise Solar Park.

Mayan diaranson tin ceremonia di groundbreaking n’e sitio di construccion di e prome
Parke Solar di WEB Aruba NV. Esaki t’e prome parke di WEB y cu ta haci cu lo bay
spaar otro cantidad di divisas cu ta no bay pa exterior.

Luis Oduber a bisa cu awor cu WEB a haya e tereno aki for di RdA, nan por sigui cu nan
vision pa cada dia traha pa yega na un proceso mas limpi y berde den produccion di
coriente. Construyendo e parke na Lago Heights, WEB ta dal un paso grandi, pasobra
agrega un produccion di casi 6 MW na loke Aruba tin disponibel.Esaki lo t’e prome
parke pariba di brug, loke t’e motibo tambe cu el a haya e nomber di Sunrise Solar Park E
trabou cu mester a haci tabata hopi pa cual e Director tabatin masha palabra di
gradicimento na su empleadonan cu a yuda nan yega n’e meta.Pero esaki no t’e ultimo,
pasobra ta bay binicu mas facilidad pa yega na cumpli cu nan vision di sostenibel
energetico pa 2020.Minister ing. Mike de Meza di su banda a gradici tur partner
colaborando pa Aruba yega su meta.Sin organisacionnan manera TNO, Carbon War
Room y Rocky Mountain Foundation, y organisacionnan local manera WEB, Elmar y
SETAR, no ta logra e meta.Tur loke ta wordo haci awe na Aruba, e mandatario a bisa,
hopi di hobennan lo saca e beneficionan cu energia alternativo ta trece cu ne. Tur esaki
Aruba ta logra den menos di 8 aña, ya cu e prome stapnan a wordo tuma na 2012“No
solamente ta importante pa bo yega na ta 100% sostenibel, pero cu bo por garantisa
tambe e suministro di calidad y esey nos ta trahando riba dje tambe.”