Page 11 - CITGO

Aruba Ta Forma Parti Di Un Plan Di Syria Pa Evadi

Sancion Internacional

 Local
- 25/05/2017

Segun reporte di e portal Bloomberg, Syria y Venezuela a plania pa evadi sancion
internacional contra Syria dor di uza transporte di petroleo. Remarcabel ta cu tin
implicacionnan grandi cu Aruba ta envolvi den e plan.E plan, segun e reporte, tabata pa
bende petroleo di Syria cu un descuento grandi por medio di un compania falso di Russia.
E compania lo mester a mand’e na Aruba pa refina y distribui pa companianan di gasolin
di otro paisnan.E plan mes a wordo traha for di hopi tempo caba, desde cu Presidente
Hugo Chavez ainda tabata na mando. No ta conoci si dicho plan ainda ta den preparacion
pa ehecucion.Mientras tanto, nombernan local ta wordo menciona den e reporte di
Bloomberg, manera e comerciante petrolero Wilmer Ruperti, kende a confirma su
participacion por medio di un entrevista telefonico, pero a declara cu e no ta forma parti
mas di e plan aki.Segun e reporte, Ruperti a renta un cas luhoso panort di Aruba via e
agente di real estate, Oscar Helmeyer. E lo a ofrece Helmeyer un suma di 15 miyon pa
yud’e cumpra e refineria Valero, cu a cera su portanan na 2012. E reporte ta bisa cu
Helmeyer a admiti cu Ruperti a topa cu Prome Minister Mike Eman y Minister Mike de
Meza.Den un carta skirbi p’e embahador di Syria, Ghassan Abbas, na 2012, Ruperti a
bisa cu e plan tabata pa evadi un boycott di Estados Unidos y e comunidad
Europeo.Segun un oficial di Citgo, e compania no lo considera importa crudo di Syria pa
suministra na Citgo Aruba. E oficial a bisa cu e compania ta comprometi na operacion di
e refineria y ta cumpli cu tur ley aplicabel. Esey ta inclui tur ley di sancion di Estados
Unidos.E reporte di Bloomberg tambe ta nota cu Gobierno di Aruba ta desmenti di tin
conocemento di e plan aki, cu awor ta exponi y cu esaki ta lanta pregunta riba posibel
esfuersonan cu no a wordo exponi.