Page 37 - CITGO

Aruba parti di complot pa yuda Syria

evadi boycott Mericano

Posted on 05/25/2017 11:27 am AST | Updated on 05/25/2017 2:36 pm AST

WASHINGTON – Aruba mester a bira parti di un plan pa yuda Syria y Venezuela
evadi sancion internacional contra Syria, uzando transporte di petroleo. Asina e
agencia di noticia Bloomberg a raporta awe. Aunke e plan no a sigui, e implicacion
ta grandi. E plan tabata pa bende petroleo di Syria cu un descuento grandi pa
medio di un compania Ruso ficticio, cu lo a mand'e pa Aruba pa refina y distribui
pa companianan gasolinera na Merca y otro pais. Nombernan di cierto personanan
local ta wordo menciona den e articulo tambe. Documentonan, emails y entrevista
cu Bloomberg a conduci, a revela esaki.

PLAN DI HOPI TEMPO

E plan, tabata tempo cu e refineria Valero tabata encarga ainda y cu Hugo Chavez tabata
presidente di Venezuela ainda. Segun Bloomberg, no ta mucho cla si e plan ta den
consideracion ainda pa ehecucion.

NOMBERNAN TA IMPLICA ARUBA

Den e articulo, tin nomber di un comerciante petrolero Wilmer Ruperti cu a confirma
segun Bloomberg, su participacion pa medio di un entrevista telefonico. Mes momento
ela sigura cu e no tin parti mas den e caso aki. Ruperti lo a huur un cas luhoso na parti
norte di Aruba, y a haci esaki via un agente di real estate, Oscar Helmeyer. Ruperti lo