Page 39 - CITGO

Venezuela y Sira tabata planea

pa bende petroleo Sirio y asina

evadi sancion internacional

25 May, 2017
0

WASHINGTON, D.C., Merca – Venezuela y Siria tabata a planea den e ultimo
añanan pa evadi sancionnan internacional contra Siria uzando transporte di
petroleo. E plan tabata encera pa bende petroleo di Siria na un prijs abao, of cu

descuento grandi, via un compania Ruso fictisio, cu lo a manda esaki pa Aruba
pa e wordo rafina y pa despues e wordo distribui den stationnan di gasolin na

Merca y otro paisnan. Nomber di cierto personanan local tambe ta wordo
menciona. No ta mucho cla si e plan ta den consideracion ainda pa ehecucion.

Den e articulo, tin nomber di un comerciante petrolero Wilmer Ruperti cu a
confirma su participacion pa medio di un entrevista. Mes momento ela sigura cu

e no tin parti mas den e caso aki. Ruperti lo a huur un cas luhoso na parti norte
di Aruba, y a haci esaki via un agente di real estate, Oscar Helmeyer.
Un oficial di Citgo a bisa cu e compania actualmente no ta considerando y lo no

considera importacion crudo Sirio pa suministra na Citgo Aruba. ”E compania ta
comprometi na e operacion di Refineria Citgo Aruba cumpliendo cu tur ley

aplicabel y esey ta inclui tur ley di sancion Mericano” e oficial di Citgo a bisa.