Page 23 - MIN ON

AWEMainta Diabierna, 25 November 2016 23

Minister Sevinger ta felicita Arco Iris Kleuterschool

Nos ta sostene tur Minister pa sigui riba

e desaroyo positivo di ultimo añanan

MINISTER di Infrastructura, Benny Sevinger tabata presente
diaranson mainta na ceremonia di reapertura di Arco Iris Kleuter-
school.
Pa cu esaki, e mandatario ta felicita maestro y alumnonan di e scol,
pero tambe Minister di Enseñansa Michelle Hooyboer, kende hunto
cu su ekipo ta haciendo un bon trabou for di tempo cu a tuma over
di Minister Dowers pa renoba e scolnan rond di Aruba.

“Simplemente nos ta sostene tur e Ministernan cu tin trabou di
haci cu infrastructura.
Den e caso aki, nos a sostene Minister di Enseñansa pa e trabou
cu mester sosode na e scol”, asina Minister Sevinger a comenta.
“Den ultimo añanan nos a renoba hopi scol y nos tin un lista largo
pa renoba ainda”, e mandatario a agrega.

Renobacion di Arco Iris Kleuterschool a mustra di tabata mas dificil
compara cu otro scolnan.
Pa cuater aña e scol aki a muda pa asina profesionalnan por a haci
un evaluacion di kico tur ta e trabounan necesario.
Finalmente a keda cla cu e prome fase cu ta permiti e muchanan
regresa nan klas, aunke e trabou ta continua parti pafo di e scol y
esey ta loke departamentonan concerni ta trahando riba dj’e aworaki
pa keda cla proximamente.

Minister Sevinger ta felicita pueblo di Aruba completo cu otro scol
cu a wordo drecha y ta cla pa nos muchanan por haya un ensenansa
di nivel halto y den un ambiente positivo cu un scol nobo. Asina
nos muchanan por lanta y bira hendenan cu ta coopera pa sigui
hiba nos pais den direccion positivo cu nos a bin ta conoce den
ultimo añanan.

Zodiac a conoce ganado di 50.000 florin GANA e tremendo suma di

50 mil florin cu Zodiac ta algo
cu sigur ta sumamente bon
bini na cualkier momento.
Riba 28 di october Zodiac a
conoce un ganado cu a cum-
pra su numbernan di suerte
na Mahuma Lottery & Snack.

Ayera mainta Francisco C.
G. a pasa oficina principal di
Lotto, na Paardenbaaistraat
10, y busca su check di 50
mil florin. E numbernan cu e
la gana cune ta 2577 cu signo
Virgo.

Lotto ta manda palabranan di
felicitacion pa Francisco cu a
gana e bunita premio ki.