Page 53 - MIN ON

Mainta nan ta haya enseñansa (setting di scol) y despues di scol nan ta haya
cuido y guia te atardi door di profesionalnan cu ta ofrece nan un programa
special (setting di opvang).

Na Observatiecentrum ta traha 19 persona: e maestro y nan assistentnan, un

Interne Begeleider, un trahado social, un terapista di musica y un di movecion,
un psycholoog, un logopedista part-time y lidern y assistent lidernan pa e

opvang despues di merdia.

Pa duna sosten na e profesionalnan den nan trabou diario a organisa durante e
siman di dia 6 di Februari 2017 e training “Safety-Care Core Specialist Training”
y e “School Age Children Advanced Module” di e compania QBS, Inc. di Merca.

Trainer di ambos programa ta Erin Devine. Den e training di Safety Care e
trahadonan ta siña anda na un manera respetuoso, safe y terapeutico cu

muchanan cu no por regula nan emocion y ta bira agresivo. E proceduranan den
Safety Care ta cientificamente investiga y ta “evidence based.”

E trahadonan ta siña habilidad nan pa interveni na un manera profesional y

terapeutico, uzando un acercamento directo y efectivo pa preveni, minimalisa y
maneha escalacion di comportacion agresivo.
Esaki tanto pa proteccion di e mucha mes como di e profesional/adulto.

E “School Age Children Advanced Module” ta duna e trahadonan herment pa

anda specificamente den un setting di scol cu muchanan chikito cu ta demostra
comportacion agresivo y peligroso. E trahadonan ta siña ki proceduranan ta

adecua pa uza cu muchanan chikito. Tur scenario cu por presenta.

Cu e profesionalisacion aki e trahadonan di Observatiecentrum ta miho ekipa pa
tur scenario cu por presenta.

http://masnoticia.com/trahadonan-di-observatiecentrum-ta-miho-ekipa-pa-tur-scenario-cu-por-
presenta/