Page 60 - AHATA
P. 60
Debi na e cantidad di pasahero afecta pa e situacion desafortuna, a pidi pasaheronan pa
check nan status di buelo riba website fly-inselair.com pa asina permiti nan oficina di
benta y call center pa facilidad rebooking mas liher y eficiente posibel. A menciona cu tur
pasahero lo wordo atendi sea pa telefon of email. A pidi despensa un biaha mas, pero a
bsia cu nan dedicacion na seguridad semper ta nan enfoke principal. “Nos ta aprecia e
pasenshi y compression di cada un di nos clientenan y nos ta trahando duro pa mehora e
situaicon y restaura e confiansa di bo den InselAir” e comunicado ta finalisa bisando.
DEAL
Manera cu NoticiaCla a raporta fin di october ultimo, corte lo dicidi destino di Insel Air
International dia 4 di December proximo. Asina huez a determina den un caso cu a tuma
lugar luna pasa na Corsou riba e tema di suspension di pago (surseance van betaling) y e
situacion actual di e compania. Manera cu NoticiaCla a raporta caba, un posibel deal di e
compania interCaribbean pa cumpra InselAir, tin e compania na bida ainda. Esaki
pasobra e compania no a cumpli cu e dos puntonan stipula pa corte, cu a dune
‘suspension di pago’ na augustus. Diamars corte a dicidi cu pa 4 di December awor, lo
dicidi e destino di InselAir y si nan ta keda cu e proteccion of no.
