Page 62 - AHATA

E director di APA a duna nn presentacion amplio riba e desaroyonan cu tumando lugar na

APA. Tambe ela spica cu APA a cumpra un tugboat nobo pa asina por garantisa servicio

na e barconan cu ta drenta waf di Aruba. Pronto ehecutivonan di Port of Amsterdam lo ta

na Aruba pa

reuni cu APA pa elabora riba ideanan nobo con por desaroya futuro di APA mas mihor

posibel. Sr. Figaroa a splica cu e waf di Aruba mester keda bin cu innovacion pa por

mantene un compentencia den region.

Minister Besaril di su banda a bisa cu ta importante pa Cas di Aruba por mantene bon
contacto riba e desaroyonan cu ta tumando lugar na APA, pasobra Cas di Aruba tin

relacion hopi bon mes cu varios companiannan Hulandes cu ta activo caba na Aruba

manera Port Of Amsterdam, Iskes y Nirint Shipping.

Tambe e minister a toca e tema di studiantenan cu ta hasi escohencia pa nan estudio y
despues di a termina di studia ta pasa dificultad pa haya trabao. Pa e motibo ey ta

importante pa siqui e desaroyo di APA di cerca pa informa studiantenan riba

posibilidadnan pa drenta den e mundo maritimo cu ta brinda oportunidadnan hopi

interesante pa nan carera.

E reunion a bai den un ambiente hopi positivo y director di APA Jossy Figaroa a expresa

su satisfaccion cu e bishita di Minister Plenipotenciario Guillfred Besaril.

https://24ora.com/minister-plenipontenciario-guillfred-besaril-a-bishita-
director-di-apa/