Page 43 - AHATA

Directiva di Fundacion Museo Arubano ta satisfecho cu e desaroyonan cu ta tumando

luga ultimo tempo pa loke ta nos museonan na Aruba, unda cu a pone confiansa den un

team sumamente hoben cu a demostra nan entusiasmo y capacidad di por guia y maneha

e museonan na un forma hopi dinamico.

Segun Frank Croes, tesorero di directiva di FMA, si mira e cifranan di ultimo añanan, e

asistencia ta un liña cu ta keda subi. Y esey ta e meta tambe.

Den nan tin hende cu a sa di por a ehecuta e vision y mision di e directiva, pa asina

conserva cierto partinan di nos cultura y tambe duna e educacion necesario na e
pueblonan di Aruba y esnan cu no sa di nos historia.

Croes a splica cu nos historia ta hopi rico y ta keda na nos pa tene bibo pa loke ta e parti

educativo y desaroya loke tin cu keda desaroya, cual ta e parti actual.

Pesey tambe ora cu wak e exposicion, caminda cu bo ta mira e cambio di pasado y

presente, den e parti di obra artistico cu tin parti ariba, ta pa asina mustra e desaroyo

cultural cu nos tin na Aruba.