Page 47 - AHATA

Pa 2018, Nacionnan Uni a apunta cu Dia Mundial di Turismo lo ta enfoca riba e tema di ‘Transformacion
Digital.’ En conexion cu esaki, A.T.A. a invita dos orador experto den e tereno pa su conferencia anual. Un di

e oradornan ta Daniel Newman di Merca.

Daniel Newman ta e analista principal y socio fundador di Futurum Research y CEO di Broadsuite Media
Group. E ta pasa su bida entre hende y tecnologia trahando cu e marcanan di tecnologia mas grandi na mundo,
con esaki ta explora e transformacion digital y con esaki ta influencia comercio. For di Big Data te na lT y
Cloud Computing, Newman ta haci e conexionnan entre negoshi, hende y tecnologia cu ta necesario pa

companianan por beneficia lo maximo posibel for di nan proyectonan tecnologico. Esaki ta pone cu hopi biaha
su ideanan ta keda menciona den CIO.com, CIO Review, CNBC y varios otro media rond mundo.

Futurum ta un compania di tecnologia, innovacion digital y revolucion di mercado cu ta enfoca riba strategia,
estudio y analisis. E compania ta yuda lidernan comercial rond mundo anticipa e cambionan drastico den nan
industria y dirigi e innovacion pa gana of mantene un bentaha competitivo den nan mercado. “Mi ta stima

tecnologia, pero tambe mi ta hopi pasiona riba transformacion y strategia digital pasobra mi ta kere cu
tecnologia por alcansa su potencial solamente ora cu e ta mezcla cu humildad. Ora hende y tecnologia traha
hunto pa yega na nan potencial, e resultado comercial ta bin su tras. Esey ta caminda ami ta cay aden,” asina

Newman ta duna di conoce.

El a skirbi seis buki cu a bira ‘best-sellers’, incluyendo esun mas recien ta titula ‘Futureproof: 7 Key Pillars for

Digital Transformation Success.’ Ademas, Newman ta un contribuidor di e publicacionnan conoci Forbes y
MarketWatch di Wall Street Journal.

Naci na Chicago, Newman tin un MBA, y ta un Graduate Adjunct Professor na North Central College School
of Business and Economics. Su companianan ta ubica na Chicago, pero Newman su presentacionnan ta hib’e
rond mundo tur aña compartiendo su vision di loke ta e papel cu tecnologia ta hunga den nos futuro.