Page 25 - MIN ARENDS

Gobierno cu maneho nobo pa loke ta trata stablecimento di
supermercado y minimarket den areanan residencial

Monday, 22 May 2017 12:51
Comparti

Dialuna mainta a anuncia e reglanan di maneho pa loke ta trata stablecimentonan di negoshi den
areanan comercial y tambe e tipo di negoshinan cu lo permiti den areanan residencial.

Segun Minister Richard Arends, kier promove un economia di conocemento, kier promove calidad di
bida, como un di e pilarnan cu ta sostene desaroyo economico sostenibel y pa e motibo ey, a anuncia e
maneho nobo pa loke ta trata e stablecimentonan den area comercial, como tambe stablecimento di e
tipo di negoshinan cu por acepta den areanan residencial. Esaki ta primordialmente pa loke ta trata
actividadnan cu no ta causa molester pa e habitantenan. Ademas pa loke ta trata e supermercado y
minimarketnan, esta levensmiddelen zaken, a caba di anuncia un moratorio di dos aña pa loke ta trata
stablecimento di supermercado. Entrante mañan, departamento di asuntonan economico, lo no otorga
permiso di establecimento mas di supermercado. Con ta midi of evalua Minister Richard Arends a sigui
splica cu obviamente e benchmark mundialmente ta diferente. Nos tin 185 supermercado na Aruba y
door di e cantidad por pone hende bay controla.

E controladornan di prijs por ehempel di Departamento di Asuntonan Economico. Nan a haci un analisis
hopi detaya pa e minister pa loke ta trata cantidad di negoshi y e conclusion ta 1 supermercado pa cada
kilometer cuadra. Si kita Parke Nacional Arikok, esta areanan cu no por wordo biba, of por wordo
economica explota, ta haya 1.3 supermercado pa cada kilometer cuadra. Esey, si compar’e cu cifranan di
Hulanda, cu ta bao di 0,2 supermercado pa cada kilometer cuadra, aunke no por compara 1 pa 1, e
diferencia ta basta grandi. Esey a yega na e conclusion cu ta anuncia e moratorio, ta bay ehecuta e
moratorio pa loke ta levensmiddelenzaken. Den e dos añanan aki lo bay sigui haci analisis pa wak si na
final di e dos añanan por ahusta esaki. E peticionnan lo wordo trata segun maneho vigente di awe, pero
tur peticion cu drenta mañan lo wordo evalua a base di e maneho nobo, segun Minister Richard Arends.