Page 29 - MIN ARENDS

Minister Richard Arends: Pa haya ‘vestigingsvergunning’ awo
ta agrega exigencia di espacio di parkeo den areanan

comercial

Monday, 22 May 2017 20:56
Comparti

Durante un Conferencia di Prensa dialuna ultimo, Minister di Asuntonan Economico y Comunicacion,
mr. drs. Richard Arends, a anuncia algun un decision importante pa pueblo y comercio di Aruba.
Pa e siguiente dos añanan ta implementa un moratorio riba supermercado y minimarketnan na Aruba. E
decision ta basa riba un adaptacion nobo den ley actual di ROP cu ta permiti minister encarga pa haci e
adaptacionnan aki.
“For di December cu mi a asumi e encargo di Asuntonan Economico mi a hiba varios consulta cu
gremionan, Camara di Comercio como tambe cu ATIA. E dos factornan mas importante cu a resalta ta e
promocion di economia di conocemento y tambe pa protege calidad di bida, cu en realidad ta un pilar di
un economia sostenibel,” Minister Arends a splica.
“Durante e ultimo 10 añanan areanan residencial cu a crece, tabata drenta den areanan di haci negoshi y
p’esey a dicidi pa bini cu reglanan nobo cu nos ta anuncia awe, pa loke ta trata establecimento di
negoshi.” Tur esaki ta wordo haci pa regula y controla un tiki mas miho unda ta duna permiso pa un
negoshi establece su mes.
Ultimo añanan tabatin un crecemento enorme di negoshinan, tambe den cuadro pa promove
actividadnan economico. Hopi biaha, e Minister a bisa, ta yega hopi cerca di areanan cu primordialmente
tabata areanan residencial. Debi di esaki ta causa exceso di zonido, hopi huma cu stof, trafico, problema
cu parkeo, cu a forma un peliger tambe si tin mucha ta hunga rond y pa e habitantenan. Pero tambe e ta
baha balor di propiedad di e ciudadanonan. Obviamente tabatin reclamonan constante pa loke tabata
trata supermercado, bar, restaurant, ‘junkyard’ y otro establecimentonan cu ta atrae publico grandi, cu
tin problema di parkeer. Tur esaki a tene na cuenta pa stipula un serie di reglanan nobo pa
establecimento di negoshi. Pa loke ta trata areanan cu Departamento di Asuntonan Economico ta
reconoce como areanan comercial, ta unda cu tin mayoria di actividadnan comercial cu ta tumando luga.
Y un di dos pa areanan cu Departamento di Asuntonan Economico ta reconoce como areanan residencial
unda cu tin mayoria di residencianan cu hopi biaha ta riba camindanan secundario y terciario.
Pa loke ta trata e maneho nobo den areanan comercial, ta areanan cu ya caba un gran parti di dje tin
actividad comercial. Aworaki e regla ta cu e parcela mester ta riba un area riba e caminda principal. “Nos
a cambia esaki y a haci’e un tiki e interpretacion un poco mas estrecho. Nos a bisa cu ta e adres di e
establecimento mester ta riba un caya principal pa e por wordo considera como un actividad cu por bin
riba un area comercial. Un rekisito adicional.” Mescos cu ta exigencia di DOW, awor Departamento di
Asuntonan Economico ta exigi espacio di parkeo pa por haya un vestigingsvergunning. Entrante diamars,
23 di mei, 2017, lo uza e mesun norma di parkeo ora di duna un vestigingsvergunning. Esaki kiermen cu
si tin un establecimento cu ta fit den area comercial, ademas di e reglanan existente lo bini un regla
adicional cu lo mester tin forma di parkeo tambe. Den caso di erfpacht, e ‘bestemming’ mester cuadra cu
e actividad di negoshi prome cu duna e vestigingsvergunning. Esaki ta e maneho nobo, ahusta pa loke ta