Page 23 - LOTTO

St. Fundacion Lotto Pa Deporte a firma un contract di huur
cu SMAC

Sunday, 29 January 2017 16:18
Comparti

Recientemente St. Fundacion Lotto pa Deporte a firma un contract di huur cu e organizacion encarga cu
Carnaval na Aruba esta SMAC. Manera ta conoci,

e organisacion SMAC ya pa dos anja ta haci uso di e facilidad di Aruba Entertainment Center na Dakota
cu ta cay bou maneho di St. Fundacion Lotto Pa Deporte.Ambos instituto ta hunga un rol importante pa
engrandece e exito di nos Carnaval.

Presidente di St.Fundacion Lotto Pa Deporte, sr. Di Stefano Wernet, RA: “ Lotto ta masha contento di
por contribui cu loke ta parti di nos cultura, esta Carnaval y pa e motibo aki tambe cu satisfacion ta yega
na un compresion mutuo di contract cu Stichting SMAC”. Apesar di ta hopi ocupa, Presidente di SMAC,
sra. Shannon Heriquez a bisa cu SMAC ta hopi contento cu e ayudo ofreci di parti di Lotto y tin sigur cu
den futuro cercano lo sigui haya e mesun cooperacion.

Pa dos anja caba un total di cinco evento carnavalesco organisa door di SMAC ta wordo teni den Aruba
Entertainment Center cual nan ta e Eleccion di Prins cu Pancho, Tumberito Festival, Eleccion di Reina
Infantil y Hubenil, Tumba Contest y e Eleccion di Reina Grandi.

Riba e foto nos por aprecia e momento di firmamento di e contract door di Presidente di St.Fundacion
Lotto Pa Deporte, sr. Di Stefano Wernet, RA hunto cu Presidente di SMAC, sra. Shannon Heriquez como
tambe miembronan di e hunta di directiva di St. Fundacion Lotto Pa Deporte, sr. Elias Kock y sr. Silvio
Janga.