Page 25 - LOTTO

Sv Britannia Western Union campeon Copa Betico Croes
2016/17

Sunday, 29 January 2017 14:24
Comparti

Diaranson 25 januari ultimo a tuma lugar e gran final di Copa Betico 2016/17 ora cu Sv Britannia Western Union a
enfrenta Sv Dakota Gatorade. E wega a tuma lugar den Compleho Deportivo Guillermo P. Trinidad den cas di
Dakota y nos mester menciona cu e fanatica a asisti na grandi y cu masha hopi ambiente. Directiva di AVB tambe a
percura pa un ambiente profecional na final di wega.

E wega ariba su mes tabata di un nivel halto cu bon wega di futbol y bon dirigi pa e refree Delecca. Dakota a cuminsa
na domina e medio campo y no tabata permiti e medio camponan di Sv Britannia Western Union jegan na e bala y di
e forma tacticamente a stroba Sv Britannia Western Union di arma su wega. Pero manera semper Sv Britannia ta
keda anota goal apesar cu nan ta bao precion y ta na di 11 minut di wega cu Luis Carlo Croes ta lora un bala di banda
drechi y unda e defensa di Dakota no ta cop e bala bon y e bala ta cai ariba pia di Renier Paraez cu ta prebecha y ta
manda su equipo ariba 1-0 y e alegria di parti e fanaticadanan di Sv Britannia a cuminsa trempan. Faltando algun
minut pa wega jega haltime Jeanpierre Fingal ta wordo folia pa di dos biaha den 16 meter y corectamente refree ta
fluit pa pinalty. Akinan Luis "Coco" Esterada ta tuma e pinalty na su encargo y ta anota e di dos goal pa Sv Britannia
Western Union pa hasi e wega 2-0 y asina tambe haltime ta bai aden. Den di dos tempo Dakota a bin por la goma pa
trata di corta ventaha pero e defensa di Sv Britannia lidera pa Rodymar Paeasch y Derwin Donato a keda para duro.
Faltando 15 minut pa wega caba ta Dakota ta logra corta ventaha despues cu e defensa di Sv Britannia Rodymar ta
laga un bala bai y ta Nickelson Paul ta manda un fusil cu e keeper di Sv Britannia Kendrick Dania no a ni wak y e
wega ta bira 2-1. Despues di e hugada ey Dakota a crea algun ocacion mas di goal pero e punteria di e delanteronan
no tabata skerpi. Di e forma aki tambe e wega ta caba cu un victoria di 2-1 pa Sv Britannia Western Union ariba Sv
Dakota. Tur 3 wega cu Sv Britannia a gana den Copa Betico a wordo gana cu e diferencia di 1 goal. Sv Britannia ta
gana Bubali 1-0, gana Ind. Caravel 1-0 y den final ta gana Sv Dakota 2-1. Den e 13 edicionan di Copa Betico Croes nos
por menciona cu Sv Britannia Wester Union a titula campeon 7 biaha y algo masha remacabel ta cu e hungador
Derwin Donato a titula campeon tur 7 biaha cu Sv Britannia. Otro hungador cu tambe tin un record pa locual ta Copa
Betico Croes ta Kendrick Dania cu tin 6 titulo di Copa Betico Croes ariba su nomber. Un pabien grandi ta bai pa e
hungadornan di Sv Britannia, directiva, fanaticanan cu a bin na masa y tambe na e sponsernan; Bright Bakery,
Frisian Flag, Vitamalt, Pizza Hut, Western Union y Total Finance. Sv Britannia su prome wega di dos round di
campeonato regular lo ta contra e propio equipo di Dakota diasabra 11 februari 2017.