Page 15 - BNDIA ARUBA

A15
HENDE Dialuna 7 Januari 2019

Maria Leidy Muñoz ta gana e prome edicion di Hende Sano Bida Sano

ORANJESTAD – Recientemente e empleadonan
di Amsterdam Manor Beach Resort y MVC Eagle
Beach a participa den un programa di bienestar
di salud bao e nomber di “Hende Sano, Bida
Sano”, esaki tabata tin duracion di 4 luna.

Tur empleado por a registra pa e programa cu tabata
consisti di ehercicio fisico 3 biaha pa siman combina
cu diferente lezing y tyer
Nannelle van der Spil- Croes y Jerome van der Spil di
Transition 2 Health tabata encarga di e programa aki y
a ehecuta esaki den un forma exitoso conhuntamente
cu Fundacion Movimiento pa Bida,den cooperacion
cu partner manera Aruba Medical Assistance, Labora-
torio di Servicio y diferente otro profesional den nan
ramo.
Empleadonan a siña entre otro encuanto nutricion,
salud fisico y tambe salud mental.

Ehercicionan tabata un combinacion di ehercicio car-
diovascular, ehercicio di peso y tambe flexibilidad.

Tur empleado cu a participa na e programa a haci dife-
rente test fisico y di condicion na comienso di e pro-
grama y na final di e programa a ripiti e mesun testnan
pa asina wak e progreso di cada participante.
Progreso fisico, motivacion, participacion y presencia
na e diferente actividadnan tabata e criteria pa saca e
ganado di e programa aki, cu a keda den persona di
Maria Leidy Muñoz cu ta traha den e departamento di
Maintenance.

Pabien atrobe na Leidys y tur participante di e pro-
grama aki.