Page 37 - AHATA
P. 37
Djaweps 4 òktober 2018 47
Barku Carnival
Horizon ku bishita
inougural na Kòrsou
...Riba e fotonan momentu di e seremonia na okashon di e promé bishita di Carnival
Horizon na Kòrsou...
WILLEMSTAD.- Siman
pasá e barku krusero
Carnival Horizon di
Carnival Cruise Line a
hasi su bishita inougural
na Kòrsou. Durante di un
asina yamá ‘inaugural
call’ kapitan di e barku
huntu ku su tripulashon ta
invitá outoridat portuario,
duana, agente i ofisialnan
lokal pa selebrá durante
di un seremonia kòrtiku e
bishita inougural di e barku
na Kòrsou.
Komo tradishon e
seremonia aki a inkluí
un interkambio di
plakat marítimo entre
Kapitan De Angelis i
Minister di Desaroyo
Ekonómiko, Sr. Steven
Martina den presensia
di Presidente di Hunta
di Komisario di Curaçao
Ports Authority (CPA),
Sr. Irving Moeniralam,
representantenan di CPA,
‘Havenmeester’, Duana,
Agente Maduro Shipping i
e tripulashon.
Carnival Horizon ku ta
ruman di Carnival Vista
den e kategoria di Vista
‘class’ ta e barku mas nobo
di Carnival Cruise Line i
tin un kapasidat pa 3.936
pasahero krusero. E largura
di e barku aki ta 322 meter
i tin un tonelahe bruto di
133,500 (GRT). Siman pasá
djasabra e barku aki a sali
for di Miami pa un krusero
di 8 anochi ku a sigui pa
Grand Turk, La Romana,
Kòrsou, Aruba i bolbe pa
Miami.