Page 53 - MIN ARENDS 11 MAY 2017

hunga un rol. Rafini a comenta cu bo no por para esaki. A wak’e den mundo bancario tambe cu
awendia bo no mester warda clientenan bin cerca bo. T’abo tin cu sali bay na e cliente. Con bo
ta haci e cliente tambe conciente di e producto y servicionan cu bo tin. Mercadeo ta
sumamente importante pa cualkier negoshi sigui inverti den dje. Tambe pa keda innova bo
productonan, keda percura cu bo negoshi tin un apariencia moderno, dinamico pa asina e keda
atractivo pa esun cu ta shop. Ora e bin cerca bo cada biaha e wak algo diferente, pero tambe
cu e productonan ta keda innovativo y atrae nan pa keda bin sea shop cerca bo of keda haci
nan transaccionnan bancario cerca bo. Como banco RBC no por a keda atras. Si wak bon,
competencia tey y competencia ta sano. Competencia ta tenebo riba bo tenchinan. Dado
momento banconan tin cu keda adapta, innova, pasobra ta esey ta loke e clientenan ta busca.

Si mira 20 aña pasa, den banking, bo ta sinta den banco warda cliente yega. Awendia no por
haci esey mas, pasobra bo ta perde cliente. T’abo tin cu bay cerca e cliente. Den comercio ta
mesun cos. Si e cliente no bin cerca bo mas, t’abo tin cu yega cerca dje. Tin diferente manera
pa haci esey, esta mercadeo. Pero tambe por ta cu si bo no tin website ainda, ta bon pa inverti
riba un website y haci referencia riba e website ora e clientenan ta buscando algo diferente.
Nan por bay riba bo website, por wak kico tin. Si bo no tin shoppingcart mes ainda, at least bo
ta duna e oportunidad pa wak kico ta e producto y servicionan cu bo ta ofrece. Si bo haci esey,
ya bo ta un stap basta leu, segun Pierre Rafini.