Page 4 - Djamars 25 september 2018.pdf

4 Djamars 25 Sèptèmber 2018
Akusado a atmití di tabatin spèlnan seksual

Tata ta ninga

relashon seksual ku yu

Su detenshon a keda suspend’é ayera

WILLEMSTAD.- Ayera tabatin sufisiente motibu pa (47) nasé na Kòrsou i a bai Blarcum asistí pa mr. Gonet,
hues Gruijters no a haña ku sigui mantené e akusado J.P. di akuerdo ku abogado Van pa suspendé su detenshon.
...Abogado mr Van
Blarcum ku a logra
ku hues a suspend’é
detenshon di e akusado...
J.P. ta keda akusá ku den
e periodo di 11 di yüni 2014
te ku 28 di febrüari 2017, e
tabata kometé aktonan di
inmoralidat ku su propio
yu ku e tempu ei tabatin
11 aña, den tur sentido di
palabra.
Hues a relatá ku e víktima
ku ta yu muhé biológiko di
su tata, a deklará na polis
ku e ku su tata tabatin
relashon seksual durante e
periodo ariba menshoná.
Esaki a yega na un límite
di kual el a opta pa bai ku
su primu i hasi denunsia na
polis.
E tata a atmití ku e
tabatin aktonan seksual ku
su yu, pero no violashon.
Segun e tata tur kos a
kuminsá na un spèl entre
nan dos (manera klapmentu
di otro na atras ora ta bai
baña), ku a desaroyá i yega
tal forma.
E tata a duna di konos’é
ku e akto aki a tuma lugá
solamente 10 luna largu.
Pues nada for 11 te ku
13 aña manera e víktima a
bisa.
Abogado mr Van Blarcum
a duna di konosé ku den
e akto aki ta solamente
aktonan inmoral a tuma
lugá ku eigenlijk no ta
kosnan ku sa pasa entre tata
ku yu.
E tata a bisa ku tur kos
tabata sigui normal te ora
ku un dia e tata i e mama a
prohibí e yu di bai un fiesta.
Esaki a pone ku e yu a
rabia asina tantu i a bai hasi
denunsia na polis ku su tata
ta viol’é.
Abogado mr van Blarcum
a splika ku no tin niun klase
di prueba di penetrashon
den e kaso aki .
Hues a deliberá i a bai
kompletamente di akuerdo
ku e abogado.
E kaso a keda presentá
den pro forma i lo keda tratá
dia 11 di yanüari binidero
den su kontenido.