Page 8 - MIN ECEM 20 FEB, 2017

E hecho cu a haci entrega di e prome badgenan, despues cu e refineria tabatin basta
aña cera, tin un nificacion grandi pa Francis Oduber. “E sentimentonan ta super. Pa
Aruba e ta algo grandi, nos trahadonan local specialisa di e sector local ta cuminsa
haya trabou atrobe.” El a splica cu nan a cuminsa cu un grupo di 12 trahado, pero esaki
ta bay ta aumenta ya cu e trabou ta bira mas. Ademas, mientras cu mas instalacion ta
kedando cla, ta bay tin mester di mas hende pa traha. “E 12 trahadonan ta adicional di
loke nos tabatin caba. Nos nunca a sali for di e refineria. Nos a keda semper cu Valero,
cu e parti di transshipment, pero awo nos ta traha adicional pa CITGO, pa traha riba e
unidadnan cu ta wordo rehabilita.“ Segun el a sigui splica, Oduber Contractors a wordo
asigna C5 Unit, cu ta uno basta grandi. Nan a cuminsa caba pa drecha e unidad aki cu
tin 5 aña para, haciendo trabou di mantencion riba e trapinan, plataforma y structura.

Oduber a finalisa bisando cu aña 2017 a habri hopi bon pa Aruba. “Claro cu e ta un bon
aña pa Aruba. E asunto di e refineria aki ta un ‘milestone’, algo grandi pa Aruba. Mi por
bisa cu e reanudacion di operacion den e refineria ta e principio di cosnan grandi. Mi ta
premira cu pa otro aña caba lo tin 1500 hende trahando sigur aki den. Esaki sigur ta
algo grandi.”

Minister di Labor “Cada

persona cu nos yuda

haya un trabou den

refineria, pa mi ta un

logra cu ta duna nos

alegria”

Published on February 20, 2017 in Politica
ORANJESTAD, Aruba

Sin duda algun tabata un momento special y memorabel pa Minister di Labor, drs. Paul
Croes diabierna ultimo ora cu a forma parti di entrega di e prome 100 badge di
trahadornan pa refineria CITGO Aruba. Ta un punto culminante despues di añanan di