Page 22 - MIN ON

oportunidad pa participa. “E tabata un tremendo experiencia”, Inspector General di
enseñansa, señor John Hessen a remarca. Hopi di e topiconan tabata relata cu e
trabounan di e cabesantenan cu kisas pa e departamento di Inspeccion di Enseñansa
no ta relevante, pero asina mes hopi caminda nan por a pone link cu locual Inspecccion
di Enseñansa ta haci y loke ta pasa na un scol.

“Banda di esey loke cu tabata hopi importante ta cu nos por a debati over di diferente
punto, aspectonan cu ta pasa den enseñansa, hunto cu directornan di scolnan cu
normalmente bo ta bishita como inspector”, Hessen a remarca. Durante e training nan a
haya e oportunidad di papia over e experiencia cu director y cabesantenan tin, pero
tambe loke Inspeccion ta mira y director y cabesantenan ta mira.E intercambio di
pensamento di ideanan y experiencia tabata un meerwaarde enorme. Pa Departamento
di Inspeccion di Enseñansa y cabesantenan tabata hopi bon cu nan por a sinta hunto
pa 1 siman largo y papia riba enseñansa.

Departamento Inspeccion di Enseñansa sa kico a wordo duna durante e training di ISL,
kiermen na momento cu nan bishita cabesantenan, nan por duna un conseho of stimula
nan. “Nos sa tambe awo ora cu bay kico por spera, pasobra cada un di e cabesantenan
a haya cierto tarea y a expresa cierto kico nan lo bay haci. Ora nos bishita un scol, nos
por papia riba e mesun nivel. Esey sigura ta algo cu nos lo implementa ora di bishita e
scol y mustra bek con bo ta ehecut’e, con bo ta impliment’e”, asina señor Hessen a
remarca.

Projecto di mentoren di

Stichting Reclassering ta

pa jega serca di e hoben

Published on April 18, 2017 in Social/SPLASH
ORANJESTAD, Aruba

E projecto di mentor of consehero, ta un projecto di Stichting Reclassering y
Jeugdbescherming. Hobennan ta haya un voluntario como un consehero como guia pa
asina judanan jega nan meta. E projecto di mentor ta un sorto di extencion di
reclassering na e cliente cu por jega mas serca na un netwerk social serca e hoben. Cu
e projecto aki e hoben ta haya un mentor cu durante maximo 1 aña por guia y
sostenenan den forma nan pa un miho plan pa nan futuro. E projecto ta dirigi riba
hobennan cu risico di sali di e bon caminda y guianan bek pa educacion of pa tereno
laboral. Consehonan cu por juda den un miho laso cu scol y tambe cu trabao. E mentor
ta funciona como un rolmodel pa e hoben pa asina fortalese den su stabilidad diario.