Page 78 - MIN ARENDS 1ST JUNE 2017
P. 78
Te aworaki WEB a bin ta cumprando coriente por ehempel for di Molinanan di Biento, di Parke
Solar di aeropuerto, etc. Pero pa final di aña nan lo tin nan prome Parke Solar: ‘Sunrise Solar Park’
na Lago Heights. Gobierno, WEB y otro partnernan strategico a bin ta negociando pa algun tempo
caba riba con por amplia e cantidad di energia renobabel cu Aruba por produci pa cumpli cu e meta
pa 2020. A yega asina leu cu na inicio di mei a yega na un acuerdo cu Refineria di Aruba (RdA) pa
uzo di casi 90 mil m2 di tereno di nan na Lago Heights. Mientrastanto, a firma acuedronan pa haci
tur esaki posibel, pa construccion di e Parke Solar por cuminsa.
Vision di Prome Minister Mike Eman pa haci Aruba mas berde, tin mas beneficio pa protege nos
mundo pa e siguiente generacionnan. Gobierno ta spaar tur loke awor e ta gasta den produccion di
coriente na e manera convencional. Aki por pensa tur e gasto cu tin riba importacion di ‘heavy fuel
oil’, y e sushedad cu e tipo di combustibel aki ta produci. Tur esaki ta na beneficio di e comunidad,
incluyendo e hecho cu tarifanan ta bira mas abou pa awa y coriente, independiente di cu e ‘heavy fuel
oil’ su prijs cu ta fluctua constamente.
“Ora cu nos ta para na e ceremonia di groundbreaking, nos por cera nos wowonan un rato, soña y
trata di ‘touch’ e momento cu nos ta 100% totalmente sostenibel riba tereno di energia, ya cu cada
dia nos ta acercando e meta ey. Loke ta tumando luga ta sigura nos cu lo logra e meta pa 2020,”
Eman a bisa den un discurso teni siman pasa. E ceremonia di groundbreaking ta tuma luga diaranson
mainta na Lago Heights den presencia di Prome Minister Mike Eman, su Gabinete y diferente
invitado.
