Page 79 - MIN ARENDS 1ST JUNE 2017

Tanto banco como cliente ta core riesgo ora di haci
financiamento

Wednesday, 31 May 2017 18:31
Comparti

Tin mayor, tata y mama, den un cas cu no tin e entrada suficiente halto pa un fiansa. Segun Pierre Rafini
ta splica cu ta dificil pa midi. Hopi biaha no tin e informacion na man, te ora cu e persona bay y aplica pa
e prestamo. Normalmente ta dificil cu un hende cu no tin e entrada pa wordo tuma na consideracion pa
un lening.

Asina mes por dune pero hopi biaha no ta yuda e cliente si dune un lening. Na final, ta perhudica e
cliente mas cu bo ta yud’e, pasobra ta dun’e un prestamo cu bo sa cu a lo largo no por page y bo tin cu bay
bek, sea pa kita su cas of pa kita su auto. Of pa bo pone beslag riba dje y asina bo ta impedi e persona di
por biba un bida normal y pa tin un peace of mind tambe. Un problema grandi social ta, cu awendia
hendenan ta den stress hopi biaha, door cu fin di luna placa no ta yega. Pakico placa no ta yega, ta
pasobra hopi biaha nan a tuma obligacionnan riba nan mes cu na un inicio a mustra cu nan lo no por a
page, pero despues door di diferente motibo, perdemento di trabao, por ta nan a pidi nan pa traha menos
ora, of divorcio, of otro situacionnan social cu por a tuma luga, cu ta impedi nan cu nan por paga y ta
pasa door di e proceso penoso, caminda cu nan mester deshaci di nan propiedadnan of nan
propiedadnan ta wordo confisca, caminda cu despues nan tin cu bay via un veiling pa banco haya bek su
placa. Conseho Banco ta conseha hende semper.

Ta purba di splica nan kico ta miho pa nan pa percura e ora cu nan no ta endeuda nan mes suficiente cu
mañan nan mester bay hasta pensa si mester come of mester paga banco bek. E meta principal ta pa
duna prestamonan responsabel, caminda cu na final di luna, despues di paga e lening, ainda e cliente ta
keda cu suficiente placa pa come, paga gasolin, bay vakantie y tin un tiki placa pa por diverti nan mes, dia
cu nan sali, of bay nan happy hour, of wak un pelicula of cumpra paña nobo pa e yiunan. Banco semper
ta tene cuenta cu esey, ora di duna prestamo. Hopi hende no sa, pero banconan ta uza diferente tipo di
maneranan pa midi ki porcentahe di bo entrada bo por duna un persona, maximo pa un lening of su
debenan total, banconan normal ta uza entre 35 y 40% di e entrada di e persona cu nan ta bisa cu esey ta
eigenlijk e porcentahe cu por duna, te cu maximo na lening. Esey kiermen cu ta laga mas of menos un 65
pa 60 porciento di entrada pa bo por gasta na bo mes, sea pa bo cumpra cuminda, paga bo utilidadnan,
paña, gasolin y sali si esey tambe ta un parti di loke bo ta haci pa bo por diverti bo mes of pa bo por pasa
luna cun’e.