Page 66 - MIN ECEM

bishitante y mas di 700 compania of organizacion cu a exhibi nan producto y of
servicionan.

E conferencia tambe ta duna indicacion di e futuro di e industria di crucero. Segun
Cruise Line International Association (CLIA) ta spera cu un total di 25.3 miyon pasahero
mundialmente lo tuma un cruise durante 2017. Na 2007 e total di pasahero cu lo tuma
un cruise tabata 15.8 miyon, cual ta demostra un crecemento significante den apenas
10 aña. Tambe por nota e confiansa cu tin den e industria cu inversion di 6.8 biyon
dollar den barco nan nobo pa 2017.

E delegacion di Aruba a reuni cu ehecutivonan di e liñanan di crucero di mas importante
manera Royal Caribbean Cruises y Carnival Cruise Lines. Durante e reunion nan aki a
comparti cu e delegacion e diferente inversionnan y demas proyecto cu ta contribui na e
industria y e experiencia di pasaheronan di crucero. Tambe a follow up riba e high
season y e resto di 2017 ya cu e aña aki ta uno sumamente positivo cu alrededor di 750
mil pasahero proyecta pa bishita nos isla. Ademas ta sigui di cerca e desaroyo di e
comentarionan di e pasahero nan di crucero cu ta bishita Aruba. E delegacion a
confirma un biaha mas e popularidad di nos isla cu puntuacion halto, a base di
encuesta di e lineanan crucero,cu ta pone Aruba entre e top 3 di miho destinacion den
Caribe y den e caso di Royal Caribbean, Aruba a resulta di ta e number 1 destinacion
den Caribe. E conferencia tabata uno exitoso cu ta yuda pa sigui desaroya e industria di
crucero di Aruba na un forma positivo cu 2018 proyectando preliminarmente di ta
sumamente positivo cu un crecemento di 14% compara cu 2016.